රජය ව්යවසනය කළමනාකරණය කර ජාතික යාන්ත්රණයක් නිර්මාණය කර ජනාධිපති කාර්ය සාධන බලකායක් ක්රියාත්මක කරන බවත් නිවාස, ජිවනෝපාය සහන, යටිතල පහසුකම් ලබා දීම, අරමුදල් කළමනාකරණය කරන බවට රාජ්ය පාර්ශ්වයෙන් විවිධ කරුණු ඉදිරිපත් කළත් මේ රජයට රු. 25000, 50000 දෙන්න වගා හානි මුදලක් ලක්ෂ 50, ලක්ෂ 100 ටකරමකට ලක්ෂ 10ක් හදීසි නීතිය අවශ්ය ද කියා ප්රශ්න කරන බවත් මේ අරමුදල් දෙන්න හදිසී නීතිය අවශ්ය නොවන බවත් සිදුවිය යුත්තේ මේ ආපදා කළමනාකරණ පනත වෙනස් වී නව ආපදා කළමනාකරණ අමාත්යාශයක් බිහි කර ගොඩනැගිලි පර්යේෂණ ආයතනය භූවිද්යා පර්යේෂණ ආයතනය හා කාලගුණ විද්යා දෙපාර්තමේන්තුව ශක්තිමත් කළ යුතු බවත් විපක්ෂ නායකවරයා පැවසීය.Sri Lanka Latest News
ගොඩනැගිලි පර්යේෂණ ආයතනයේ, භූවිද්යා පර්යේෂණ ආයතනය හා කාලගුණ විද්යා දෙපාර්තමේන්තුවේ නිලධාරින් ආපදා අවස්ථාවේ සුවිශේෂ කාර්යන් රැසක් විශිෂ්ට ලෙස ඉටු කළත් වත්මන් රජයට පවතින ආපදා කළමනාකරණ පනත පවා හරියට උපයෝගී කර ගන්න නොහැකි වූ බවත් මේ පනතේ 11 වැනි වගන්තිය යටතේ ව්යවසන තත්ත්වයක් ප්රකාශයට පත් කර ගැනීමට මේ රජයට නොහැකි වු බවත් 11 වගන්තිය ක්රියාත්මක කළා නම් 12 වැනි වගන්තිය යටතේ හරි දේ කළ හැකි වුවත් මේ රජය එය ද නොකළ බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේදී රජයේ ආපදා කළමනාකරණ ක්රියාවලිය ගැන අදහස් දක්වමිනි.
ආපදාවෙන් විපතට පත් ජනතාවට සහන දෙන්න හදිසි නිතිය අවශ්ය නැති බවත් මේ හදිසි නීතිය ක්රියාත්මක කරන්නේ ප්රජාතන්ත්ර විරෝධී මර්ධනකාරි ප්රතිපත්තිය ක්රියාත්මක කිරීමට නිසා වහාම ක්රියාත්මක වන පරිදි ත්රස්තවාදය වැළැක්වීමේ පනත පොරොන්දු වූ ආකාරයට හකුලා ගන්නා ලෙස රජයෙන් ඉල්ලා සිටින බවත් අප රටට අවශ්ය ජාත්යන්තර ප්රමිතියට අනුව මානව හිමිකම් සුරක්ෂා වන ජාතික ආරක්ෂක පනතක් බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
දැන්වත් IMF එකත් සමග සාකච්ඡා කරන්න
ඒ නිසා මේ අවස්ථාවේ සිදුවිය යුත්තේ රජය වහාම IMF එකත් සමග සාකච්ඡා කර නව IMF ගිවිසුමකට යා යුතු බවත් මේ යන විදිහට ගියහොත් 2028 ණය ගෙවිය නොහැකි බවත් ලෝක බැංකු වාර්තා අනුව මේ වසරේ ආර්ථික වර්ධන වේගය 3.5%ක් සහ ලබන වසරේ 3.1%ක් වන නිසා මේ නිසා විදේශ ණය ගෙවීම බරපතල ගැටලුවක් වී ඇති නිසා ප්රමාද වී IMF එක සමාග සාකච්ඡා කර ගිවිසුම වෙනස් කර දැන්වත් ජාත්යන්තර ආධාරක සමුළුවක් කැදවිය යුතු බවත් විපක්ෂ නායකවරයා මෙහි දී පැවසීය.
මේ රජය දන්නේ හදිසි නීතිය උපයෝගී කර ගෙන මහා සංඝරත්නය හිරේ දාන්න විතරයි
මේ ආපදාවේ හානිය ඇ. ඩොලර් බිලියන 4.1 නොව ඊට වඩා විශාල හානියක් සිදු වූ නමුත් රජයේ ඇති කුමකකම උද්දච්චකම නිසා මහන්තත්ව කම නිසා රට වෙනුවෙන් ඉටුවිය යුතු කාර්යභාරය ඉටු නොවන බවත් රජය මේ අවස්ථාවේ කරන්නේ හදිසි නීතියයි වෙරළ සංරක්ෂණ නීතියයි උපයෝගී කර ගෙන මහා සංඝරත්නය සිරගත කිරීම බවත් රටේ උත්තරීතර නීතිය හරහා බුදුදහමට සුවිශේෂී තැනක් දුන්නත් එය රජයට නොතේරෙන බවත් ඊට අමතරව සෙසු ආගම්වලට පවා නිසි රැකවරණය ලබා දෙන අප රටේ උත්තරීතර නීතිය ක්රියාත්මක කරන්න රජයට නොතේරෙන බවත් මූලික අයිතිවාසිකම් පෙත්සම ඉවත් කර ගන්නවා නම් ඇප දෙනවා කියන පදනම මත මහා සංඝරත්නය සිරගත කර වනචාරීන් ලෙස ආමාන්ත්රණය කරන බවත් විපක්ෂ නායක සජිත් ප්රේමදාස මහතා පැවසීය.
අද රජයට රට බේරාගත් රණවිරුවන් අමතකයි
රණවිරුවන් ගැන කතා කරන රජය යාපනයේ චලෙයි ප්රදේශයේ මෝය කට කපන්න ගිය අතුරුදන් වූ නාවික හමුදා නිලධාරින් සිටින බවත් WVAD වෑවිට, WGKD වික්රමසිංහ SP ශානක, WPAC වික්රමරත්න යන හමුදා නිලධාරීන්ගේ පවුලේ අය ඇමතිවරයා හමුවන්න අවස්ථාවක් ඉල්ලා සිටියත් එයද නොදුන් බවත් ඒ තරම්ම උද්දච්ච රජයක් ඇති බවත් නියෝජ්ය ආරක්ෂක ඇමති අභිමානයක් ගැන කිව්වත් පාස්කු ප්රහාරයේ මහමොළකරුවන් තවමත් සොයා ගැනීමට නොහැකි වී ඇති බවත් වත්මන් රජය කාදිනල් තුමා පවා අවස්ථා රැසක දී රැවටූ බවත් විපක්ෂ නායකවරයා පැවසීය.
ජනාධිපති ඇත්ත කියනවා අගමැති බොරු කියනවා
6 වසරේ ඉංග්රීසි මොඩියුලයට අසභ්ය වෙබ් අඩවියක් ඇතුළත් කළ බවත් එය අසභ්යකරණය බවත් ජනාධිපතිවරයා පවා කියන ආකාරයට මොඩියුල සකස් කිරීමේ ගැටලු ගුරු පුහුණු ප්රමාදය තාක්ෂණ ගැටලු නිසා මේ ප්රතිසංස්කරණ කල් දමන බව පැවසූ නමුත් ඇත්ත කරුණ නම් අසභ්ය වෙබ් අඩවිය ඇතුළත් කිරිම බවත් ජනාධිපතිවරයා ඇත්ත කියද්දි අගමැතිවරිය පාර්ලිමේන්තුවේ බොරු කියන බවත් විපක්ෂ විරුද්ධ වුයේ අධ්යාපන ප්රතිසංස්කරණවලට නොව අසභ්යකරණයට බවත් විපක්ෂ නායකවරයා පෙන්වා දුන්නේය.
අධ්යාපන ප්රතිසංස්කරණ කළේ පැලවත්තෙන්නේ
ඩිජිටල් ශ්රී ලංකාවක් ඇති කරනවා කියූ රජය අද ICT උගන්වන්නේ 6 වසරේ සිට බවත් එය 1 වසරේ සිට ඉගැන්විය යුතු වුවත් එය නොකරන බවත් අධ්යාපන ක්ෂේත්රයේ විශේෂඥයන් මේ ආකාරයෙන් කිව්වත් පැලවත්තේ විශේෂඥයන් එය 6 වසරේ සිට ඉගැන්වීමට තීරණය කර ඇති බවත් මේ ප්රතිසංස්කරණ Green paper, white paper ගැන කියද්දි ඒවත් විහිලුවට ගත්ත රජයක් අද රටේ සිටින බවත් විපක්ෂ නායකවරයා පැවසීය.
