රටේ වටිනාම සම්පත වන දරු සම්පත ආරක්ෂා කිරීම, රැකබලා ගැනීම, හොද වර්තමානයක් අනාගතයක් උදාකරලීම ආදී සුන්දර බලාපොරොත්තු සෑම දෙමාපියකුටම ඇති බවත් මේ සුන්දර බලාපොරොත්තුව තහවුරු කරන්නට සැවොම කැපවෙන බවත් මේ සුන්දර බලාපොරොත්තුව සුවිශේෂී ඉලක්ක සම්පූර්ණ කර ගන්නට සෑම දෙමාපියකුම රජයෙන් අපේක්ෂා කළත් මේ මොහොත වන විට දරුවන්ට ලබා දිය හැකි ලොකුම සම්පත වන කාටවත් සොරාගත නොහැකි අධ්යාපන අයිතිය උල්ලංඝනය වී පැහැර ගෙන උදුරා ගෙන ඇති බවත් විපක්ෂ නායකවරයා පැවසීය.Sri Lanka Latest News
ළමා මනස විකෘති කරන අසභ්යකරණයකට අධ්යාපන අයිතිය ලක් කර ඇති බවත් අධ්යාපන ප්රතිසංස්කරණ, අධ්යාපනයේ පරිවර්තනාත්මක වෙනස්කම් තුළින් අපේක්ෂා කරන්නේ ෆින්ලන්තයට, ජපානයට, මැලේෂියාවට, යුරෝපා රටවලට වඩා වැඩි උසස් අධ්යාපනයක් අප රටේ දරුවන් ලබා දීම වුවත් අද ක්රියාත්මක වන්නේ මනස විකෘති වන අධ්යාපනයක් බවත් මෙය දියුණුවට නොව අසභ්යකරණයට ලක් කරන ශීලාචාර භාවය වෙනුවට අශීලාචාරභාවයත් ශිෂ්ටසම්පන්න භාවය වෙනුවට අශිෂ්ටත්වයත් ප්රවර්ධනය කරන අධ්යාපන ප්රතිසංස්කරණයක් ඇති බවත් ක්රමයේ වෙනසක් කියූ වත්මන් රජය අසභ්යකරණය විකෘතිකරණය යන ක්රමයේ වෙනස පමණක් සිදු කර ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ රත්නපුර දිස්ත්රික්කයේ කොලොන්න ආසනයේ ජනතාව සමඟ කෑල්ල කොට්ටාසයේ හොටෙල් j හි පැවැත්වූ ජනහමුව අමතමිනි.
ජනතාව අපේක්ෂා කළ ක්රමයේ වෙනස වූයේ මෙය නොව ශිෂ්ටසම්පන්න රටක් බිහි කිරීම වුවත් අද අධ්යාපනය අසභ්යකරණය වීම තුළ ජනවරම පවා පාවා දී ඇති බවත් අසභ්යකරණයට අධ්යාපනය වහල් කිරීම හරහා ජනතාව අපේක්ෂා කළ ක්රමයේ වෙනස අහිමි කර ඇති බවත් මෙවැනි තත්ත්වයක් තුළ රටේ ජනතාව සෑම දෙමාපියෙක්ම අධ්යාපනයේ වර්තමානය සහ අනාගතය ගැන සිතිය යුතු බවත් විපක්ෂ නායකවරයා පැවසීය.
රටේ දරුවන් ආරක්ෂිත සුහුරු උපකරණවලින් සවිබල ගැන්විය යුතුයි
තමා ද විශ්වාස කරන ආකාරය මේ අධ්යාපනය තුළින් දරුවන්ට සාධාරණයක් ඉටු නොවන නිසා STEAM අධ්යාපනය කෘත්රීම බුද්ධිය රොබෝ තාක්ෂණය තොරතුරු තාක්ෂණය ආදී ක්ෂේත්රවලට ප්රමුඛස්ථානය ලබා දෙන අධ්යාපනයක් ඇති කළ යුතු බවත් එසේම ඉතිහාස විෂය ද අනිවාර්ය විෂයක් කර සමබර ලෙස කටයුතු කළ යුතු වුවත් රජය එවැනි දෙයක් සිදු නොකරන බවත් විවිධ මොඩියුල හරහා සුහුරු උපකරණ භාවිතය නිර්දේශ කළත් පාසල් සිසුන්ගෙන් සුහුරු උපකරණ ඇත්තේ අතලොස්සකට බවත් අප රටේ සෑම සිසු දරුවකුටම නියමිත ආරක්ෂිත මෙවලම් සහිත සුහුරු උපකරණ සහ ඒ සදහා ප්රවේශය තිබිය යුතු බවත් ඒවා නිසි ආරක්ෂිත ක්රමවේද සහිතව අසභ්යකරණයකට ලක් නොවී සිදුවිය යුතු බවත් මෙය රජයේ වගකීමක් බවත් විපක්ෂ නායකවරයා වැඩිදුරටත් පෙන්වා දුන්නේය.
උද්දච්ච වෙලා නම් මේ දේවල් කරන්න බෑ.
උද්දච්චකම තුළීන් රටේ අධ්යාපන ප්රතිසංස්කරණ සිදු කළ නොහැකි බවත් සාකච්ඡාවෙන් අදහස් හුවමාරුවෙන් එය සිදුවිය යුතු බවත් එවැනි සාකච්ඡාවක් නොවු නිසා අසභ්යකරණයක් රටේ අධ්යාපයට ඇතුළත් වූ බවත් මෙය නිවැරදි විය යුතු බවත් මූලික හා මානව අයිතිවාසිකමක් වන අධ්යාපනය අප රැකගත යුතු බවත් ජාති ආගම් පන්ති පාට පක්ෂ භේද නොසලකා දරුවන් සිටියත් නැතත් වැඩිහිටියන් දෙමාපියන් පුරවැසියන් ලෙස නිදහස් අධ්යාපනය බේරා ගෙන සභ්යත්වය ශීලාචාරත්වය හරහා නිවැරදි පරිවර්තනයකට ලක් කිරීමේගමනට එක් විය යුතු බවත් විපක්ෂ නායකවරයා වැඩිදුරටත් පැවසීය.
