සුබ නැකතින් මැතිවරණ දෙකකින්ම රට අනුරට යැයි කියමින් විශාල ජනවරමක් ලබා දී දැන් තුන්වැනි මැතිවරණයක්ද පවත්වන බවත් ජනාධිපති බලය පාර්ලිමේන්තුවේ බලය දීලා දැන් ගමේ බලයත් ඉල්ලා සිටින බවත් මෙවුන් සුබ නැකතට රට අනුරට දෙද්දි පොහොසත් රටක් ලස්සන ජීවිතයක් හදනවා කිව්වත් එවැනි දෙයක් නොවු බවත් මේ රජය රට හදන එක කෙසේ වෙතත් බොරුවෙන් නම් කප් ගසා ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අම්බලන්ගොඩ ප්රදේශයේ පැවැති ජන හමුවකදීය.
වරායේ ගොඩබාන මිලයි ඉන්ධන විකුණන මිලයි අතර විශාල වෙනසක් ඇත්තේ බදු,කොමිස්, පගා නිසා බවත් මේ කොමිස් පගා බදු අයින් කර වරායේ බාන මිලටම තෙල් දෙනවා කිව්වත් මේ පචකාර ආණ්ඩුව එවැනි දෙයක් නොකළ බවත් මොවුන් පච එකින් එක කියමින් යන බවත් විදුලි බිල ද 33%කින් අඩු කරනවා කිව්වත් ජනතා විරෝධය නිසා 20%කින් පමණක් අඩුකළ බවත් තවත් 13%ක් අඩු කරන්නට ඇති බවත් විපක්ෂ නායකවරයා වැඩිදුරටත් පැවසීය.
කෝ දෙනව කිව්ව ඉන්ධන සහනාධාරය
ධීවර ප්රජාවට ගොවියාට ඉන්ධන සහනාධාරය දෙනවා කිව්වත් එය ද නොවු බවත් බෝට්ටුවල සිට උද්ඝෝෂණ කර පාර්ලිමේන්තු ගිය මන්ත්රීවරුන් හිටියත් අද ඒ අය පවා නිශ්ශබ්ද බවත් පළමු අයවැයෙන්ම රැකියා දෙනවා කිව්වත් රැකියා විරහිත උපාධිධාරීන් සංගමයේ ප්රධානින් පාර්ලිමේන්තු ගියත් රැකියා විරහිත උපාධිධාරීන්ට නම් රැකියා නොලැබුණු බවත් අත්යාවශ්ය ආහාර පාසල් උපකරණවලට ගහන වැට් පවා වැඩි බවත් රට පුරා ගැටලු රාශියක් පැවැතියත් රජය පච කියමින් යන බවත් විපක්ෂ නායකවරයා පැවසීය.
රටේ ජනතාව මෝඩයෝ කියලා ආණ්ඩුව හිතන් ඉන්නේ
මේ ආණ්ඩුව හිතාගෙන ඉන්නේ රටේ ජනතාව මෝඩයෝ කියා බවත් තුන්වැනි වතාවටත් ජනතාව රවටන්න විවිධ උප්පරවැට්ටි යොදමින් යන බවත් මේ පච දේශපාලනයට තිත තැබිය යුතු බවත් පැවසු විපක්ෂ නායකවරයා වැඩිදුරටත් කියා සිටියේ ක්රමයේ වෙනසක් ඇති කරනවා යැයි බලයට පත් මේ අය ටොම් පච කියමින් යන බවත්ය.
දැන් අයවැයේ නැති සහනත් දෙනවලු
පරණ ටෙම්පච කියා දැන් අලුත් ටොම් පච ලෙස අයවැයේ නැති සහනත් දෙනවා යැයි කියමින් යන බවත් මේ පච කෙරුවාව හරියන්නැති නිසා දැන් ජවිපෙට බලය නැති පළාත් පාලන ආයතනවලට මුදල් දෙන්නේ නැති බවට ජනාධිපතිවරයා පවසන බවත් ජනාධිපතිවරයා අවම වශයෙන් පළාත් පාලන පනතවත් හරියට නොකියවා ඇති බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
