පසුගිය දිනවල පැවැති අයහපත් කාලගුණයෙන් ඌව පරණගම දොඩම්පාගල ප්රදේශයේ හාල් ඔය පිටාර ගැලීම නිසා ගම්මානයට පිවිසීමට ඇති පාලමේ කොටසක් කැඩී යෑම හේතුවෙන් මාර්ගයට හානි සිදු වී තිබේ .Sri Lanka Latest News
මේ හේතුවෙන් රථ වාහන ධාවනයට නොහැකිව දොඩම්පාගල ගමේ ජනතාව පීඩාවට පත්ව තිබේ .
වර්ෂා සහිත කාලගුණ තත්වය නිමා වීමත් සමග ගමේ සියළු දෙනා එකතු වී මේ අවස්තාවේ රජය විසින් මේ මාර්ගය සාදා දෙන තෙක් බලා නොසිට ඔවුන්ට හැකි ආකාරයේ මාර්ගය රථ වාහන ධාවනයට සුදුසු ආකාරයෙන් සකසා ගෙන තිබේ.
දොඩම්පාගල ගමේ ජනතාව පවසන්නේ මේ රට යලි ගොඩනැගීමට තමන්ද යම් දායකත්වයක් දී එකමුතුව කටයුතු කිරීම මේ මොහොතේ අත්යවශ්ය බවයි.
මුළු රටක් ආපාදාවට ලක්ව සිටින අවස්තාවක සියළු දේ රජයෙන් කරදෙන තෙක් බලා නොසිට තමන්ට හැකි අයුරින් වැටුණු රට යලි ගොඩ නැගීමට ඌව පරණගම දොඩම්පාගල ජනතාව රටට දුන් ආදර්ශය අති මහත්ය.
