ඊයේ දින ජවිපෙ නායක අනුර කුමාර දිසානායක මහතා තනිවම රාජ්ය මාධ්යක් වූ ස්වාධීන රූපවාහිනී මැදිරියට ගොස් විවාදයකට එක්වීම සම්බන්ධයෙන් නලින් බණ්ඩාර මහතා අද දින පාර්ලිමේන්තුවේදී බරපතළ චෝදනාවක් එල්ල කළේය.
එහිදී නලින් බණ්ඩාර මහතා කියා සිටියේ මෙය ඒකපාර්ශ්විකව සිදු කළ විවාදයක් බවත්, ජවිපෙ ආණ්ඩුවේ ගුබ්බෑයමකට රිංගා රටටම රනිල් වික්රමසිංහ මහතා විසින් ලියාදුන් තිරපිටපතකට අනුව නාට්යයක් පෙන්වූ බවය.
මෙම නාට්ය අධ්යක්ෂණය කළේ ITN සභාපති සුදර්ශන ගුණවර්ධන බව කී නලින් බණ්ඩාර මහතා විවාදය මෙහෙයවූවේ යකඩ මංකොල්ලයක් කරලා අත්අඩංගුවට ගත්, මාධ්යවේදිනියකට ලිංගික අතවර කරලා මාට්ටු වූ පොහොට්ටුවෙන් ඡන්දය ඉල්ලපු කෙනෙක් බවය.
එමෙන්ම අතීත කතාවක් උදාහරණයට ගනිමින් අදහස් දැක්වූ බණ්ඩාර මහතා සිංහයන් මඩ තවරාගත් ඌරන් සමග විවාදයන්ට සහභාගී නොවන බවද කියා සිටියේය.
සජබය ආර්ථික කමිටු අතර විවාදයට මෙන්ම අනුර සමග විවාදයටද සූදානම් බව කී බණ්ඩාර මහතා එය ස්වාධීන නාළිකාවක පැවැත්විය යුතු බවද පෙන්වා දුන්නේය.
