තලේබාන් සටන්කරුවන්, සතර දෙසින්ම, ඇෆ්ගනිස්ථානයේ කාබුල් නුවරට ඇතුළු වෙමින් සිටින බව විදෙස් පුවත් වාර්තා කරයි.
කාබූල් නුවර අත්හැර යන පුරවැසියන්ට ඊට ඉඩ දීමට සටන්කරුවන් තීරණය කර තිබේ.
කාබුල් වැසියන්ට, එහි බැංකු පද්ධතියට හෝ ව්යාපාරිකයන්ට කිසිදු හානියක් සිදු නොකරන බවට සටන් කරුවන් විසින් දැනුම් දී තිබුනද, කාබුල් වැසියන් දහස් ගණනින් නගරය හැර යමින් සිටින බව වාර්තා වේ.
කාබුල් හැර යන වැසියන්ගෙන් ගුවන් යානා පිරී ඇති බවද විදෙස් පුවත් වාර්තා කර ඇත.
මේ වනවිටත් ඇෆ්ගනිස්ථානයේ බොහෝ ප්රදේශ තලේබාන්වරු විසින් අත්පත්කරගෙන ඇති අතර, එම ප්රදේශවල කාන්තාවන් රැුකියාවට යාමත්, දැරිවියන් පාසල් යාමත් නවතා ඇති බව පැවසේ.
ඇෆ්ගනිස්තාන ජනාධිපතිවරයා විසින් ට්වීටර් පණිවිඩයක් නිකුත් කරමින් පවසා ඇත්තේ, තත්ත්වය රජයේ පාලනය යටතේ පවතින බවයි.
ජනාධිපතිවරයා එසේ පැවසූවද, සටන්කරුවෝ මේ වනවිටත්, අගනුවර අත්පත්කරගනිමින් සිටිති.
මේ අතර, කාබුල් නගරයේ පිහිටි ඇමරිකානු තානාපති කාර්යාල නිළධාරීන් ද නගරය හැරගොස් ඇති බව පැවසේ.
