පේරදෙණිය විශ්වවිද්යාලය තුළ මහා ශිෂ්ය සංගමය සහ පීඨ ශිෂ්ය සංගම් කැඳවීම අත්හිටුවන ලෙසට උපකුලපති විසින් තීරණයක් ගෙන තිබෙනවා. (Sri Lanka Latest News)
ඒ අනුව පේරදෙණිය විශ්වවිද්යාලය තුළ හෝ ඉන් පිටත කිසිඳු කරුණක් සම්බන්ධව මහා ශිෂ්ය සංගමය හෝ පීඨ ශිෂ්ය සංගම් විසින් සිසුන් එක් රැස් කිරීම, රැස්වීම් පැවැත්වීම, සිසුන් ඇමතීම, රංචු ගැසීම යනාදිය මෙසේ අත්හිටුවා ඇති බවයි එම නිවේදනයේ සඳහන් වන්නේ.
මෙම අත්හිටුවීම 17 දින සිට සතියක් ඉක්ම යනතුරුම සපුරා තහනම් වන බවත් එයට පටහැනිව ක්රියා කරනු ලබන සියළු දෙනාට විනායානුකූලව කටයුතු කරන බවත් උපකුලපතිවරයා අවධාරණය කර තිබෙනවා.
කෙසේ වෙතත් මේ සම්බන්ධයෙන් අදහස් දක්වමින් අන්තර් විශ්වවිද්යාලයීය ශිෂ්ය බලමණ්ඩලය සඳහන් කළේ මෙවැනි සිදුවීම් පේරාදෙණිය විශ්වවිද්යාලය තුළ මේ වන විට ඉතා සුලභ වී ඇති බැවින් විශ්වවිද්යාලය තුළ මේ වන විට ශිෂ්ය නිදහස අහිමි බව ඉතාමත් පැහැදිලි කරුණක් වන බවයි.
එමෙන්ම ශිෂ්ය සංගම් පිහිටුවා ගැනීම විශ්වවිද්යාල පනත තුළින්ම ශිෂ්යයන්ට පවරා ඇති අයිතියක් වන අතර රැස්වීමේ, භාෂණයේ, අදහස් ප්රකාශ කිරීමේ අයිතිය ආණ්ඩුක්රම ව්යවස්ථාවෙන් පවා මූලික අයිතිවාසිකම් ලෙස සලකන බවයි ඔවුන් පෙන්වා දෙන්නේ.
උපකුලපතිට පැවරී ඇති බලතල යැයි සඳහන් කරමින් සිදු කරන මෙවැනි ප්රජාතන්ත්රවාදය උල්ලංඝනය කිරීම් කිසිසේත්ම අනුමත කළ නොහැකි බවද න්තර් විශ්වවිද්යාලයීය ශිෂ්ය බලමණ්ඩලය සඳහන් කරනවා.
