රඳවා තබා ගැනීම ජාත්‍යන්තර නීතියට පටහැනියි! ජාත්‍යන්තර ක්ෂමා සංවිධානය මුදලිගේ වෙනුවෙන් පෙරට එයි!

සිවිල් ක්‍රියාවන් සඳහා විරෝධතාකරුවන්ට එරෙහිව ත්‍රස්තවාදය වැළැක්වීමේ පනත භාවිතා නොකරන ලෙස ජාත්‍යන්තර ක්ෂමා සංවිධානය ශ්‍රී ලංකා රජයෙන් ඉල්ලා තිබේ.

අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ මේ වන විට ත්‍රස්ත විමර්ශන කොට්ඨාශය යටතේ ත්‍රස්ත විමර්ශන කොට්ඨාශයේ (TID) රඳවා සිටින බවට පළවන වාර්තා සම්බන්ධයෙන් එම සංවිධානය දැඩි කනස්සල්ලට පත්ව සිටින බව ජාත්‍යන්තර ක්ෂමා සංවිධානය වැඩිදුරටත් පවසයි.

විරෝධතාකරුවන් අත්තනෝමතික ලෙස රඳවා තබා ගැනීම සහ ත්‍රස්තවාදයට සම්බන්ධ චෝදනා වැනි ඔවුන්ගේ ක්‍රියාවලින් යුක්ති සහගත නොවන බරපතල සාපරාධී වැරදි සම්බන්ධයෙන් ඔවුන්ට චෝදනා එල්ල කිරීම ජාත්‍යන්තර නීතියට පටහැනි බව එම සංවිධානය අවධාරණය කරයි.

ඒ වෙනුවට ත්‍රස්තවාදය වැළැක්වීමේ පනත ඉවත් කරන ලෙස එම සංවිධානය රජයෙන් ඉල්ලා ඇත.

Sri Lanka: We are deeply concerned by reports that Wasantha Mudalige, the Convener of the Inter University Students' Federation, is currently being held at the Terrorism Investigation Division by the authorities.

— Amnesty International South Asia (@amnestysasia) August 19, 2022