පසුගිය වසරවලට සාපේක්ෂව මේ වන විට දරුවන්ගේ මන්ද පෝෂණ තත්වය වඩාත් ඉහළ ගොස් ඇති බවත්,ඒ අතරිනුත් පාසැල් දරුවන් අතරින් කෘෂ බව වැඩි දරුවන් වැඩිම පිරිසක් වාර්තා වන්නේ හම්බන්තොට දිස්ත්රික්කයෙන් බවත් වෛද්ය හා සිවිල් අයිතිවාසිකම් පිළිබද වෘත්තීය සමිති සන්ධානයේ සභාපති,විශේෂඥ වෛද්ය ජී.ජී.චමල් සංජීව පවසනවා. (Sri Lanka Latest News)
වෛද්යවරයා මේ බව පැවසුවේ 26 පෙරවරුවේ සූරියවැව ප්රදේශයේදී මාධ්ය සාකච්ජාවකට සහභාගී වෙමින්.
එහිදි වැඩිදුරටත් අදහස් දැක් වූ චමල් සංජීව,
”මීට වසර එක හමාරකට පමණ පෙර අප හම්බන්තොට දරුවන්ගේ පෝෂණ තත්වය පිළීබදව හෙළිදරව්වක් කළා. නමුත් නිළධාරීන් ඊට කිසිදු ක්රියාමාර්ගයක් නොගෙන තවමත් ඒ පිළිබදව හෙළිකල මා පිළිබදව විමර්ශණ පැවැත්විම සිදුකරමින් යනවා.අප කළ හෙළිදරව්ව පිළිබදව හම්බන්තොට රාජ්ය නිළධාරීන් මේ වනතුරුත් කිසිදු ක්රියාමාර්ගයක් ගෙන නොමැති බව මෑතකදී පෝෂණ මාසය වෙනුවෙන් සෞඛ්ය අමාත්යංශයට අයත් පවුල් සෞඛ්ය කාර්යංශය විසින් 2023 වර්ෂයට අදාලව නිකුත් කරන ලද වාර්තාවේ බොහොම පැහැදිලිව සදහන්ව තිබෙනවා. පසුගිය වසරට අදාලව පවුල් සෞඛ්ය කාර්යංශය විසින් නිකුත් කල වාර්තාවේ බොහොම පැහැදිලිව සදහන් වෙලා තියෙනවා පාසැල් දරුවන් අතර උසට සාපේක්ෂව බර අඩු විම හෙවත් කෘෂභාවය වැඩිම දරුවන් පිරිසක් ජිවත් වෙන්නේ හම්බන්තොට දිස්ත්රික්කයේ බව. එය ප්රතිශතයක් ලෙස 32.4%ක්.
ඒ අනුව ලංකාවේ අනිත් දිස්ත්රික්කවලට සාපේක්ෂව බලන විට කෘෂභාවය වැඩි වැඩිම දරු පිරිසක් වාර්තා වන්නේ හම්බන්තොට දිස්ත්රික්කය තුළින්. මේ මම හදපු වාර්තා නෙමේ.මේ පවුල් සෞඛ්ය කාර්යංශය විසින් නිකුත් කරන ලද දත්ත. දරුවන්ගේ උසට සරිලන බර ඌණතාවය කියන්නේ දරුවන්ගේ පෝෂණ අවශ්යතාවයේ පවතින අර්බුධයක්. ළමා වර්ධන සටහන් ගත්තමත් උසට සාපේක්ෂව බර කියලා කියන්නෙත් ඉතා වැදගත් සාධකයක්.අප සිදුකල සොයාබැලිම් වලදි පවා අපට අනාවරණය වුනේ මේ හම්බන්තොට පාසැල් යන වයසේ දරුවන්ගේ ආහාර වේල බවට බොහෝ වෙලාවට පත්වෙලා තියෙන්නේ කිඹුල බනිස් එකක් හෝ පාන්පිටි සහිත ආහාරයක්. ඇතැම්විට දරුවට දවසටම කුසට තියෙන්නේ කිඹුල බනිස් ඒක විතරයි. දරුවන් වෙනුවෙන් පෝෂ්යදායි ආහාරවේලක් ලබා දිමට දෙමාපියන් මේ වනවිට අපොහොසත් වෙලා ඉන්නවා පවතින ආර්ථික තත්වයත් එක්ක. මීට වසර ඒකහමාරකට පමණ පෙර මේ විදියටම මම හම්බන්තොට දිස්ත්රික්කය තුළ සිදුකළ සමාජ සමීක්ෂණයකින් පසු හම්බන්තොට දරුවන්ගේ මන්දපෝෂණ තත්වය පිළිබදව හෙළිදරව් කලා.
නමුත් දේශපාලකයින් සහ රාජ්ය නිලධාරීන්ගේ අවධානය ඊට යොමු වුනේ නෑ.මේ දරුවන් සම්බන්ධව දරුවන්ගේ වර්ධනය පිළිබදව,දරුවන්ගේ පෝෂණය පිළිබදව හම්බන්තොට රාජ්ය නිළධාරීන් කිසිවෙකුත් කිසිදු තැකීමක් කලේ නෑ. ඒ නිසා එහි ප්රථිපල තමයි අද මේ දකින්න තියෙන්නේ. එදා මම මේ තත්වය පිළිබදව රටට කිව්වම ඒ ගැන හොයලා බලලා ඊට විසදුමක් දෙනවා වෙනුවට හිටපු සෞඛ්ය අමාත්ය කෙහෙළිය රඹුක්වැල්ල සහ හිටපු සෞබ්ය ලේකම් ජනක චන්ද්රගුප්ත ඇතුළු අමාත්යාංශ ඉහළ නිලධාරීන් කලේ මගේ වැඩ තහනම් කරලා පරීක්ෂණ පැවැත්වීමයි. නමුත් ප්රශ්ණය තවමත් ඒතනමයි. ඊට විදුම් දෙන්න බළධාරීන් කටයුතු කලේ නෑ. ඒ නිසා හම්බන්තොට දරුවන් අතර පෝෂණ අර්බුදය අද වන විට උග්ර ලෙස වැඩිවෙමින් පවතිනවා. උසට අදාළ බර අඩුවීම කෘෂභාවය ලෙස හඳුන්වන අතර කෘෂ බව මගින් කෙටි කාලයක් තුළ දරුණු ලෙස බර අඩුවීමක් හඟවන බැවින්ද ඇතැම් විට මෙම තත්ත්වය කාලයක් තිස්සේ පැවතිය හැකි බවද ආහාර ප්රමාණය සහ පෝෂක සංඝටක විශේෂයෙන්ම ශක්ති ජනක ආහාර අවශ්ය ප්රමාණ වලින් නොලැබීම හෝ නිතර නිතර රෝගී වීම හෝ දීර්ඝකාලීනව පවත්නා රෝගී තත්ත්වයන් නිසා මෙම තත්වය ඇතිවෙන්න පුළුවන්.
පෝෂණ දත්ත අනුව අඩුබර දරුවන් වැඩිම ප්රතිශතයක් නුවරඑළිය දිස්ත්රික්කයෙනුත්, උග්ර තීවුර බර අඩු දරුවන් කළුතර දිස්ත්රික්කයෙනුත් වාර්තා වී තිබෙනවා. එමෙන් ම ගර්භනී මව්වරුන් අතරත් මන්දපෝෂණයේ සහ නීරක්තියේ වැඩිවීමක් මේ වන විට දක්නට ලැබෙනවා. මේ වන විට වයස අවුරුදු පහට අඩු දරුවන්,වයස අවුරුදු පහට වැඩි පාසල් වයසේ දරුවන් හා ගර්භනී මව්වරුන් සහ තරුණියන් අතර ඇතිවන පෝෂණ අර්බුදය කෙරෙහි කඩිනම් අවධානයක් යොමු කළ යුතුව තිබෙනවා. මේ සදහා රාජ්ය නිලධාරීන් සහ දේශපාලකයින් සක්රීය දායකත්වයක් ලබාදීම නොකළහොත් අත්වෙන ඉරණමද ඉතා භයානක වෙන්න පුළුවන් කම තියෙනවා. පාසල් දරුවන්ගේ පෝෂණය පිළිබදව නොසලකා හැරීම කියන්නේ දිගු කාලීන සමාජ අර්බුදයක් දක්වා වැඩි වර්ධනය විය හැකිකාරණයක් බැවින් ඒ සම්බන්ධව ප්රතිපත්ති සම්පාදන ක්ෂේත්රයේ දී ඉහළ ප්රමුඛතාවයක් ලබා දිය යුතුයි.”
hirunews
