සංචරණ නීති පනවා තිබියදී පවා නිරෝධායන නීති උල්ලංඝනය කරමින් උපන්දින සාදයක් පැවැත්වීම සඳහා පහසුකම් ලබාදුන් කොළඹ ෂැංග්රිලා හෝටලයේ කළමනාකාරීත්වයට සහ අධ්යක්ෂක මණ්ඩල සාමාජිකයන්ට ද ඉදිරියේ දී නඩු පැවරීමට කටයුතු කරන බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා පවසයි.
එම සාදය සඳහා පුද්ගලයන් 25ත් 30ත් අතර ප්රමාණයක් සහභාගි වී ඇති බව දර්ශනවලදී අනාවරණ වී ඇති අතර මේ වන විට සිදුකළ මූලික විමර්ශනවලින් දොළොස් දෙනකු හඳුනාගෙන ඇතැයි මාධ්ය ප්රකාශකවරයා කීය.
කෙසේවෙතත් නිලනොවන ආරංචිමාර්ග කියන්නේ උදෑසන සිටම කණ්ඩායම් වශයෙන් 200කට ආසන්න පිරිසක් මෙම උපන්දින සාදයට සහභාගී වී ඇති බවකි.
සාදයට සහභාගිවූ ඉතිරි පිරිස හඳුනාගැනීම සඳහා ෂැංගිලා හෝටලයේ සි සි ටි වි දර්ශන පරික්ෂා කරන බව මාධ්ය ප්රකාශකවරයා වැඩිදුරටත් කියයි.
