ජනාධිපති අනුර කුමාර දිසානායක ප්රමුඛ වත්මන් රජය රටේ දිළිඳු බව තුරන් කිරීම සඳහා ගෙන යන වැඩ පිළිවෙල සහ ඊට දක්වන ප්රමුඛතාවය මෙන්ම උනන්දුව තම සංවිධානයේ සතුටට හේතුවක් බව එක්සත් ජාතීන්ගේ සංවිධානයේ නේවාසික සම්බන්ධීකාරක මාර්ක් ඇන්ඩෲ ෆ්රැන්ව පවසනවා. Sri Lanka Latest News
ඒ වැවිලි හා ප්රජා යටිතල පහසුකම් අමාත්ය සමන්ත විද්යාරත්න මහතා සහ එක්සත් ජාතීන්ගේ සංවිධානයේ නියෝජිත පිරිසක් සමග ඊයේ (27) වැවිලි හා ප්රජා යටිතල පහසුකම් අමාත්යාංශයේදී පැවති සාකච්ඡාවකදී.
තමා වත්මන් රජයේ කැබිනට් ඇමතිවරු ගණනාවක් මුණ ගැසුනු බවත් ඒ සියළු දෙනාගේ උවමනාව උනන්දුව දුප්පත්කම තුරන් කිරීම බවත් එය ඉතා හොඳ ප්රවණතාවයක් ලෙස දකින බවත් එක්සත් ජාතීන්ගේ සංවිධානයේ නේවාසික සම්බන්ධීකාරකවරයා කියා සිටියා.
ලෝකයේ ආහාර පිළිබඳව වැඩ සටහනේ වාර්තාවට අනුව මෙරට වතු ආශ්රිතව ආහාර ප්රශ්නය ඉතා ඉහල බවත් ඒ සඳහා ලෝක ආහාර වැඩසටහන යටතේ උදව් කිරීමට සූදානම් බවත් පැවසූ මාර්ක් ඇන්ඩෲ ෆ්රැන්ච් මහතා ඉදිරියේදී දිළිඳු බවින් ජනතාව මුදවා ගැනීම සඳහා රජයේ කැපවීමට සම්පූර්ණ සහයෝගය ලබා දෙන බවත් සඳහන් කළා.
එහිදී අමාත්ය සමන්ත විද්යාරත්න කියා සිටියේ, මෙරට වැඩිම දුප්පත්කම ආහාර ප්රශ්න මන්දපෝෂණය වැනි ප්රශ්න ඇත්තේ වතු ආශ්රිතව බවයි. එම වතු ජනතාවට ඉදිරියේදී එම ජනතාවට ස්ථිර ලිපිනයක් සහිත පර්චස් 10 යේ ඉඩම් කැබැල්ලක නිවසක් ඉදිකර ලබා දීමටත් එම ජන්තාවගේ ආහාර ප්රශ්නයේ සිට මූලික ප්රශ්න රජයක් විදිහට සම්පූර්ණ කර දීමට කටයුතු කරන බවත් අමාත්යවරයා සඳහන් කළා. එමෙන්ම ඒ සඳහා අවශ්ය සහයෝගය ලබා දෙන ලෙසත් අමාත්යවරයා එක්සත් ජාතීන්ගේ නියෝජිත පිරිසෙන් ඉල්ලා සිටියා.
නායයෑම් නිසා විපතට පත්ව වසර දෙකකට අධික කාලයක් අවතැන් කඳවුරුවල සිටි පවුල් 50ක් සඳහා හපුතලේ පුනාගල ප්රදේශයේ අලුතින් ඉදිකෙරෙන නිවාස දැක බලා ගැනීමට පැමිණෙන ලෙසට මෙහිදී අමාත්යවරයා එක්සත් ජාතීන්ගේ නියෝජිත පිරිසට ආරාධනා කළා.
