සමගි ජන බලවේගයත් විපක්ෂයේ සියලු ම කණ්ඩායම් ඒකාරාශි වී ගොඩනැගු පළාත් සභා, නගර සභා හා පළාත් පාලන ආයතනවල නිසි ලෙස පළාත් පාලන සේවාව ඉටු කිරීම සම්බන්ධ පළමු පියවර හම්බන්තොට මහනගර සභාවෙන් ආරම්භ කරන බව විපක්ෂ නායක සජිත් ප්රේමදාස මහතා විශේෂ ප්රකාශයක් සිදු කරමින් අද පැවසීය.Sri Lanka Latest News
එහි දි සමගි ජන බලවේගය හා සෙසු පක්ෂ එකට එකතු වී බිහි කළ සභා හරහා වගකියන, වගවෙන, විනිවිදභාවයෙන් යුක්ත විධිමත් දූෂණයෙන් තොර සේවාවක් එම බල ප්රදේශයේ ජනතාවට ලබා දෙන බවත් ඒ යටතේ මේ ආයතන ආදර්ශමත් පළාත් පාලන ආයතන බවට පත් කර ප්රජා කේන්ද්රීය ප්රජා සහභාගීත්ව හා ප්රජාව මුල් තැනට දැමූ ශක්තිමත් සේවාවක් ඉටු කරන බවත් විපක්ෂ නායකවරයා පැවසීය.
තවද විපක්ෂයේ සිට මේ ක්රියාව කිරීම අභියෝගයක් බවත් සම්පත් ගැටලු, ප්රතිපාදන ගැටලු මෙන් ම රාජ්ය බලය අහිමි වී ඇති මොහොතක බල ප්රදේශයේ ජනතාව සමගි ජන බලවේගය කෙරෙහි විශ්වාසය තැබු නිසා වැදගත් සේවාවක් ඉටු කරන බවත් ආදර්ශමත් පළාත් පාලන ආයතන බිහි කර ජනතාවට ලබා දිය යුතු විශිෂ්ට සේවාව දූෂණයෙන්, වංචාවෙන්, හොරකමින්, අකටයුතුකම්වලින් තොරව ජනතාවට දැනෙන සේවාවක් සිදු කර ජනතා ගැටලුවලට විසදුම් ලබා දෙන බවත් විපක්ෂ නායකවරයා වැඩිදුරටත් පැවසීය.
එමෙන් ම නැවුම් සංකල්ප තුළ, නැවුම් වැඩපිළිවෙළ තුළ රාමුවෙන් පිට නව යෝජනා මගින් මේ සභා බල ප්රදේශවල ජනතාවට දැවැන්ත සේවාවක් ඉටු කරන බවත් එහි දී සියලු ම මන්ත්රීවරුන් හා මන්ත්රීවරියන් දැඩි විනයකට ලක් කර ඒ තුළින් විධිමත් කාර්යපටිපාටියක් අනුගමනය කර ආදර්ශමත් ගමනක් යන බවත් ඒ හරහා ගම් හදා නගර හදා රට හදන සංකල්පය සත්යක්, යථාර්ථයක් බවට පත් කරන බවත් විපක්ෂ නායක සජිත් ප්රේමදාස මහතා පැවසීය.
