බලශක්ති අර්බුදයට විසදුමක් සපයන නව සුලං බලාගාරයක් නිර්මාණය කිරීමට සමත් වූ නව නිපැයුම්කරුවකු වන කැළුම් රාජසිංහ මහතාගේ නිවසට ගිය විපක්ෂ නායක සජිත් ප්රේමදාස මහතා ඔහුගේ ඉදිරි ගමනට ශක්තියක් වීමට පියවර ගත්තේය.
එහිදී සිය නිර්මාණය පිළිබඳ ව විපක්ෂ නායකතුමා සමඟ දීර්ඝ වශයෙන් අදහස් ඉදිරිපත් කළ කැළුම් රාජසිංහ මහතා මෙරට පවත්නා බලශක්ති බලශක්ති අර්බුදයට විසඳුමක් ලෙස සිය නව නිපැයුම් යන්ත්රයේ අනාගතයේ දී යොදා ගත හැකි බව පැවසීය.
මෙම කටයුත්ත වෙනුවෙන් සිය ප්රශංසාව හිමි කරන බව පැවසූ විපක්ෂ නායකතුමා කැලුම් රාජසිංහ මහතාගේ නව නිෂ්පාදනයට අදාළ ඉදිරි කටයුතු සාර්ථක කර ගැනීම වෙනුවෙන් අවශ්ය සියළු ශක්තිය ලබා දෙන බවද පැවසීය.
මේ වකවානුවේදී ලංකාව බරපතළ ලෙස බලශක්ති අර්බුදයක ගිලී සිටින බවත්, මේ තත්වෙන් ගොඩ ඒම උදෙසා මෙවන් නව නිර්මාණවල වැදගත්කම සුවිශේෂ වෙන බවත් පැවසූ විපක්ෂ නායකතුමා එවැනි කටයුතුවලට දිරිදීම සියලු දෙනාගේ වගකීමක් බවද පැවසීය.
