ගමේ විහාරස්ථනය කියන්නේ සැවොම එකට එකතු වෙන තැනක් බවත් ජාති ආගම් කුලමල පන්ති පක්ෂ තරාතිරම්වලින් තොරව එකට එකතු වෙන තැනක් බවත් වැවයි දාගැබයි ගමයි පන්සලයි කියන සංස්කෘතිය තුළ රටේ දියුණුව ප්රගතිය සංවර්ධනය ආධ්යාත්මික ගුණවගාව මෙන්ම සුපිරිසුදු ජන සමාජයක් නිර්මාණය වන බවත් එහි දී පන්සල විශාල කාර්යභාරයක් ඉටු කරන බවත් රට වැටුණු ප්රපාතයෙන් ගොඩ එන ගමනේදී විහාරස්ථානය යනු වැදගත් කාර්යභාරයක් ඉටු කරන තැනක් බවත් විපක්ෂ නායකවරයා පැවසීය.Sri Lanka Latest News
රටක් ලෙස ආර්ථික පරිහානියකට පත්ව ඇති මොහොතක මේ පරිහානියෙන් ගොඩ ආ යුතු බවත් රටේ ජනතාව සමගිය සමාදායනය සහෝදරත්වය මිත්රශීලීත්වය පෙරදැරිව එකට එකතු විය යුතු බවත් රටේ සංවර්ධනය ගම්හදා නගර හදා රට හදන වැඩපිළිවෙලට දායක වියයුතු බවත් මේ රටේ ජනතාව විදින දුක කදුල වේදනාව ජීවත් වීමේ අභියෝගයක ඉන්න මොහොතක ලක්ෂ 220 ජනතවගේ සුබසිද්ධිය උදෙසා කටයුතු කිරිම සැමගේම යුතුකම බවත් විපක්ෂ නායක සජිත් ප්රේමදාස මහතා පැවසීය.
ඇල්පිටිය ඇල්ල රාජාභිෂේකාරාම ඓතිහාසික පුරාණ විහාරයේ ශ්රී මහා බෝධීන් වහන්සේගේ අංකුරයක් රෝපණය කිරීම සිදු කරණ ලදී.
මේ අවස්ථාවේ ප්රධාන ආරාධිත අමුත්තා ලෙස සමගි ජන බලවේගයේ නායක මෙන්ම විපක්ෂ නායක සජිත් ප්රේමදාස මහතා එක්වූ අතර එහිදී අදහස් දක්වමින් විපක්ෂ නායකවරයා මේ බව පැවසීය.
වර්තමානයේ රටේ ජනතාව දුක් ගැටලු රැසකට මුහුන දෙන බවත් පාලකයාගේ වගකීම ජනතාව ජීවත් කරවා ආරක්ෂා කිරීම බවත් උද්ගත වී ඇති සහල් හිඟයෙන් පවා ජනතාව අසරණ වී ඇති බවත් අලුත් අවුරුදු සමයේ චාරිත්ර වාරිත්ර ඉටු කිරීමට ඇති නිසා සහල් හිඟය නැති කළ යුතු බවත් පාරිභෝගික ජනතාවට දරාගත හැකි මිලකට සහල් දෙන වැඩපිළිවෙළක් ක්රියාත්මක විය යුතු බවත් විපක්ෂ නායකවරයා පැවසීය.
වී ගොවියාත් පාරිභෝගිකයාත් ආරක්ෂා කරන්න
රටේ ජනතාව සහල් නැතිව අසරණ වන විට ගොවියාට තම නිෂ්පාදනවලට ස්ථාවර මිලක් සහතික මිලක් නොමැති නිසා ගොවියා අසරණ වී ඇති බවත් රජයෙන් තවමත් ප්රතිපාදන වෙන්ව නැති නමුත් කටවචනෙන් නම් කියන බවත් එක් පැත්තකින් ගොවි ජනතාවත් අනික් පැත්තෙන් පාරිභෝගිකයාත් රැකගන්නා වැඩපිළිවෙලක් අවශය බවත් විපක්ෂ නායකවරයා අවධාරනය කලේය.
විවිධ පාර්ශ්ව හා කණ්ඩායම් රටේ ජනතාවට ඉදිරිපත් කළ ප්රතිපත්ති ප්රකාශන ක්රියාත්මක කරන්න කාලය එළැඹ ඇති බවත් ජනතාව මුහුණ දෙන ගැටලුවලට විසදුුම් දිය යුතු බවත් විපක්ෂ නායකවරයා තවදුරටත් පැවසීය.
