අප රට බංකොලොත්භාවයෙන් ගොඩ ඒ්මට ආර්ථිකය වර්ධනය කළ යුතු අතර ඒ නිසා ආයෝජනය ඉතිරිකිරීම, නිෂ්පාදනය, පාරිභෝජනය අපනයන හා ආනයනය මෙන්ම සෘජු විදේශ ආයෝජන පවා වැඩි වන බවත් 2028 විදේශ ණය ගෙවීමේ ක්රියාවලියේ ලොකු කොටසක් බාර ගන්න සිදුවන අතර එසේ ණය ගෙවන්න බැරි වුවහොත් බංකොලොත්භාවය නැවත ලැබෙන බවත් විපක්ෂ නායකවරයා පැවසීය.Sri Lanka Latest News
පසුගිය රජය අප රට විශාල අමාරුවකට දමා ඇතත් එය ආණ්ඩුවේ දේශපානඥයන් ජනතාවට නොකියන බවත් එයට හේතුව විය හැක්කේ ඉහළ පැළැන්තියේ කණ්ඩායමක් මෙරට ජනතාවට නිර්මාණය කළ ජනතාවගෙන් වසන් කරන්න අවශ්ය සූත්රයක් නිසා බවට තමාට හැගෙන බවත් පසුගිය රජය IMF එකට Macro link bond එකක් ගැන එකග වී ඇති බවත් මෙහි අරුත වන්නේ ජාත්යන්තර සෛරී බැදුම්කර ණය කප්පාදු කරන්න ඔවුන් එකග වූ නමුත් පසුගිය රජය සූත්රයක් හරහා ආර්ථීකය වර්ධනය වෙන්න වෙන්න එකග වූ ණය කප්පාදුවත් ක්රමක්රමයෙන් අඩුවන බවත් මෙය යම්කිසි උගුලක් බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ සමගි ජන බලවේග පක්ෂ මූලස්ථානයේ පැවැති සමගි කාන්තා මන්ත්රී සංසදයේ වැඩමුළුවක් අමතමිනි.
රට දියුණුව ලබන්න ලබන්න කපනවා කියූ ණය ප්රමාණය අඩුවන බවත් මේ සම්බන්ධයෙන් තවතවත් කියා දැන ගන්නා ලෙස ජනතාවට මෙන්ම දේශපාලනඥයන්ට කියන බවත් මේවා උගන්වනවා කියන විශාරදයෝ විවිධ මූල්ය ආයතන සමග ඩීල් ඇති අතර ඔවුන් තමන්ගේ පැලැන්තියේ අයගේ සුඛවිහරණය වෙනුවෙන් පමණක් කටයුතු කරන බවත් මොවුන්ට සාමාන්ය ජනතාව ගැන තැකීමක් නැති බවත් විපක්ෂ නායකවරයා තවදුරටත් පැවසීය.
ජනතවාදී දේශපාලනඥයෝ කියන බහුතරයක් මේ කතා සියල්ල ජනතාවගෙන් හංගලා ඇති බවත් ලිබරල්වාදී පක්ෂ සහ සමගි ජන බලවේගය අතර ඇති වෙනස මෙය බවත් සමගි ජන බලවේගය සෑම විටම ජනතාව සමග සිටින බවත් දේශපාලන සම්බන්ධතා පවා ඇති කර ගන්නේ වරදාන වරප්රසාද මත නොව ප්රතිපත්තිමය කාරණා සහ රට වෙනුවෙන් සිතා බවත් විපක්ෂ නායකවරයා පැවසීය.
විදේශ ණය ප්රතිව්යුහගතකරණය කරන්න නම් දේශීය ණය ප්රතිව්යුහගත කළ යුතු අතර එහි දී හිටපු රජය දේශීය ණය ප්රතිව්යුහගතකරණය හරහා සිදු කළේ අර්ථසාධක අරමුදලට හානි කිරීම බවත් මොවුන් බැංකු පද්ධතියට හෝ කෝටිපතියන්ට බලපෑම් නොකර සාමාන්ය ජනතාවගේ කරපිට ඒ සියලු බලපෑම් සිදු කළ බවත් විපක්ෂ නායකවරයා පෙන්වා දුන්නේය
