පෙරහැර සංස්කෘතියට ලබා දිය යුතු අලි සම්පත විහාරස්ථාන සහ අනෙකුත් ආයතන වෙත සන්නසකින් ලබා දිය යුතු වුවත් එම විහාරස්ථානවල හෝ පෞද්ගලිකව අලි ඇතුන් රඳවා ගැනීමේ ස්ථාන අධීක්ෂණය කිරිම වන ජීවී දෙපාර්තමේන්තුවේ වගකීමක් බවත් එවැනි වගකීමක් නැත යැයි පැවසීම යුක්ති සහගත නොවන බවත් විපක්ෂ නායකවරයා පැවසීය. Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ ඊයේ (20) පාර්ලිමේන්තුවේ දී හීලෑ අලීන් සම්බන්ධයෙන් පහුගිය කාලයේ මතු වූ ගැටලු රැසක් සම්බන්ධයෙන් අවධානය යොමු කරමිනි.
ඒ ඒ බල ප්රදේශවල සිටින පශු වෛද්යවරුන්ට නිශ්චිත කාල වකවානුවකට වතාවක් ගොස් එම අලි ඇතුන්ට නිසි ප්රමිතියකින් යුත් රැකවරණයක් ලැබෙනවාද කියා සොයා බැලිය යුතු බවත් එවැනි නව ක්රමවේදයක් මේ වන විටත් නොමැති හෙයින් එවැනි ක්රමවේදයක් කඩිනමින් ඇති කළ යුතු බවත් විපක්ෂ නායකවරයා තවදුරටත් පැවසිය.
පෙරහැර සංස්කෘතිය ආරක්ෂා කර ගැනීමට කැලේ සිටින අලි ඇල්ලිය නොහැකි බැවින් හිලෑ අලින් බෝ කර ගැනීමේ වැඩසටහන් ක්රියාත්මක කළ යුතු වුවත් එවැනි වැඩසටහනක් මේ වන විටත් නොමැති බව ද පැවසීය. නමුත් මේ සියලු කටයුතු සඳහා මෙරට සිටින පශු වෛද්යවරුන් ප්රමාණවත් නොවන බවත් ඉන්න අය පවා රට හැර යාමේ තත්ත්වයක් උද්ගත වී ඇති හෙයින් මෙම ගැටලුව සහ අලි මිනිස් ගැටලුව වළක්වා ගැනීම සඳහා යම් කිසි ක්රමවේදයක් ඇති කරන ලෙස විෂය භාර අමාත්යවරියගෙන් ඉල්ලා සිටින බව ද විපක්ෂ නායක සජිත් ප්රේමදාස මහතා පැවසීය.
