මේ වසර අවසානය වනවිට ජාත්යන්තර මූල්ය අරමුදලෙන් ඩොලර් මිලියන 2.8ක මුදලක් ලැබෙනු ඇති බවට රොයිටර් පුවත් සේවය පළ කොට ඇති වාර්තාව අසත්ය එකක් බව මේ වනවිට අනාවරණය වී තිබේ.
ඒ, මහබැංකුව මගින් ඉදිරිපත් කොට ඇති වාර්තාවක් හේතුවෙනි.
මීට පෙරද අවස්ථා කිහිපයකදී රොයිටර් පුවත් සේවය මූල්ය අරමුදල සම්බන්ධයෙන් අසත්ය පුවත් කිහිපයක්ම පළ කර තිබීම හේතුවෙන් මෙම පුවත සම්බන්ධයෙන් අප කළ ගවේෂණයකදී මෙම පුවත අනාවරණය කර ගැනීමට අපට හැකිවිය.
මූල්ය අරමුදල මගින් ලංකාවට මේ වසර තුළදී ඩොලර් මිලියන 2.8ක මුදලක් ලබා දෙන බව රොයිටර් වාර්තා කර තිබුණද මෙම ගවේෂණයේදී අපට අනාවරණය වූයේ එම අරමුදල සමග පවත්වන සාකච්ජා අවසන් කිරීමට පවා ලබන වසරේ මුල් කාර්තුව තෙක් බලා සිටිය යුතු බවකි.
මෙම සාකච්ජාවන්හිදී ණය ප්රතිව්යුහගත කිරීම පිළිබදව සාකච්ජා පැවැත්වීමට නියමිතව ඇත.
ඒ අනුව එම සාකච්ජා සාර්ථක වුවහොත් පමණක් ණය ගිවිසුම නීතිමය වශයෙන් බලාත්මක කිරීම සිදු කරනු ලැබේ.
එයද සිදුවන්නේ 2023 මුල් කාර්තුවේදීය.
ඒ අනුව ණය මුදලේ පළමු කොටස මුදා හැරීමට පවා මූල්ය අරමුදල තුළ තවත් අදියර කිහිපයක් පසු කළ යුතුව තිබේ.
රොයිටර් පුවත වාර්තා කර තිබූ අයුරු
මෙම වසර අවසානය වනවිට ජාත්යන්තර මූල්ය අරමුදල හරහා ශ්රී ලංකාවට අමෙරිකානු ඩොලර් බිලියන 2.9ක ණය මුදල සඳහා අනුමැතිය ලබාගැනීමට හැකිවෙනු ඇතැයි ශ්රී ලංකා මහ බැංකුව අපේක්ෂා කරන බව රොයිටර්ස් පුවත් සේවය වාර්තා කරයි.
ශ්රී ලංකා මහ බැංකුවේ නිලධාරීන් අද (23) ආයෝජකයින් සමග පැවැත්වූ සාකච්ඡාවේදී ඒ පිළිබඳව අදහස් ඉදිරිපත් කර තිබෙන බව රොයිටර්ස් පුවත් සේවය වාර්තා කරයි.
රොයිටර්ස් පුවත් සේවය වැඩිදුරටත් වාර්තා කර ඇත්තේ එම අවස්ථාවට සහභාගී වූවන්ගේ තොරතුරු අනුව මේ බව වාර්තා වූ බවය.
මහබැංකුව ඉදිරිපත් කළ සම්පූර්ණ වාර්තාවට මෙතනින් පිවිසෙන්න.
file:///C:/Users/PC/Downloads/2022’09’23%20-%20Sri%20Lanka%20-%20Investor%20Presentation%20(1).pdf
පහතින් දැක්වෙන්නේ මෙම තොරතුරු තහවුරු කෙරෙන මහබැංකුව විසින් නිකුත් කර ඇති ලියවිල්ලය.
