උතුරු පළාතේ දූපත්වල සිදු කිරීමට නියමිත පුනර්ජනනීය බලශක්ති ව්යාපෘති ආයෝඡනය කිරීමට සහ ඒවා ක්රියාත්මක කිරීමට ඉන්දියානු ව්යාපාර කිහිපයක් කැමැත්ත පළ කර ඇති බව වාර්තා වේ.
උතුරේ පුනර්ජනනීය බලශක්ති උත්පාදන ව්යාපෘති සඳහා උනන්දුවක් දක්වන ඉන්දියාවේ අදානි සමාගම ඒ පිළිබද සාකච්ජා කිරීම සදහා මේ සතියේ කොළඹ දී රජයේ ජ්යෙෂ්ඨයින් හමුවීමට සැලසුම් කර ඇති බව සන්ඩේ මෝනින්ග් පුවත්පත වාර්තා කොට ඇත.
මෙම සමාගම පසුගිය මාසයේදී කොළඹ වරායේ බටහිර බහාලුම් පර්යන්තය තැනීම සඳහා ඩොලර් මිලියන 700 කට වැඩි වටිනාකමකින් යුත් ගිවිසුමක් අත්සන් කළ ඉන්දියානු අදානි සමූහයේ කොටසකි.
ඉන්දියානු ආයෝජකයින් විසින් ශ්රී ලංකාවේ පුනර්ජනනීය බලශක්ති කර්මාන්තයට, විශේෂයෙන් උතුරු පළාත් දූපත් වල ව්යාපෘති සඳහා පිවිසීමට පියවර ගනු ලැබුවේ, චීන සමාගමක් එම ටෙන්ඩරයට ලැයිස්තු ගත කිරීමෙන් පසු ඉන්දියානු රජය විසින් ආරක්ෂාව පිළිබඳ ගැටලු මතු කිරීමත් සමඟ ය.
ශ්රී ලංකා රජය විසින් උතුරට ඔබ්බෙන් වූ දූපත්වල පුනර්ජනනීය බලශක්ති ව්යාපෘති සඳහා ඉදිරිපත් කරන ලැබූ අතර තමිල්නාඩු වෙරළ ආසන්නයේ ව්යාපෘති සඳහා චීනය සම්බන්ධ වීම සම්බන්ධයෙන් ඉන්දියාව කනස්සල්ල පළ කළේය.
ඩොලර් මිලියන 12 ක ව්යාපෘතිය චීනයේ හවුල් ව්යාපාරයක් වන MS/Sinosoar-Etechwin වෙත පිරිනැමීමට නියමිතව තිබුණි.
ව්යාපෘතිය යටතේ යාපනයට ඔබ්බෙන් වූ දූපත් තුනේ දෙමුහුන් පුනර්ජනනීය බලශක්ති පද්ධති ස්ථාපනය කිරීම සඳහා ජාත්යන්තර තරඟකාරී ලංසු කැඳවනු ලැබීය.
මෙම ව්යාපෘතිය සඳහා අරමුදල් සැපයීමට නියමිතව තිබුණේ ආසියානු සංවර්ධන බැංකුව (ADB) විසිනි.
නමුත් එක්සත් අරාබි එමීර් රාජ්යය, එක්සත් ජනපදය සහ ඉන්දියාව ඇතුළු උනන්දුවක් දක්වන ආයෝඡකයින් ගණනාවකටම ලංසු තැබීම පහසු කිරීම සඳහා මෑතකදී පුනර්ජනනීය බලශක්තිය සඳහා ඉදිරිපත් කරන ලද එම ටෙන්ඩරයේ කාලය දීර්ඝ කිරීමට රජය සලකා බලමින් සිටින බව දැනගන්නට තිබේ.
මේ අතර, චීනයේ ශ්රී ලංකා තානාපති කාර්යාලය පසුගිය සතියේ ට්විටර් පණිවුඩයක් නිකුත් කරමින් කියා සිටියේ චීනයේ පුනර්ජනනීය බලශක්ති ව්යාපෘති සඳහා ඩොලර් මිලියන 800 ක් ආයෝජනය කිරීමට චීන ජාතික බලශක්ති ඉංජිනේරු සහ ඉදිකිරීම් සමාගම් සමාගම (සීඑන්ඊඊ) ඉදිරිපත් වූ බවයි.
“චීන ජාතික බලශක්ති ඉංජිනේරු හා ඉදිකිරීම් සමාගම (සීඑන්ඊඊ) විසින් ශ්රී ලංකාවේ මෙගාවොට් 400 ක පුනර්ජනනීය බලශක්ති ව්යාපෘති සඳහා ඩොලර් මිලියන 800 ක් ආයෝඡනය කිරීමට ඉදිරිපත් වී ඇත. උපකරණ සහ දැනුම KE Electric විසින් සපයනු ලැබේ,” යැයි එහි සදහන් විය.
