ජනතා විමුක්ති පෙරමුණේ නිර්මාතෘ රෝහණ විජේවීර මහතාගේ පුත් උවිඳු විජේවීර මහතා, සිය මව සමග නාවික හමුදා භාරයේ රඳවා සිටි සමයේ තමන් පිළිබඳ සොයාබලා උපකාර කළ දේශපාලනඥයන් ගැන යූටියුබ් නාලිකාවක් සමග පැවැති සාකච්ඡාවකදී මෙලෙස හෙළිදරව් කළා.Sri Lanka Latest News
දේශපාලන නායකයන් අපිට විවිධ අවස්ථාවල උදව් කරලා තියෙනවා. විශේෂයෙන්ම නම් වශයෙන් කියන්න පුළුවන් නම්, විශේෂයෙන්ම මහින්ද රාජපක්ෂ මහත්මයා එතුමා අපේ ගෙදර එනවා. මම මේක කියලා තියෙනවා කලිනුත්. එතුමා අපේ ගෙදර එනවා 1997, 98 වගේ කාලයේ. එතුමා එනකොට අපිට ගෙදර එන්න තහනම්, අපේ ගෙදරට එන්න කාටවත් අවසර දෙන්නේ නෑ. නමුත් එතුමා ඉතා සූක්ෂ්ම ආකාරයෙන් කොහොම හරි මාර්ගයක් හදාගෙන අපේ ගෙදරට එනවා. ඒ ඇවිල්ලා, මට මතකයි හොඳට අම්මත් එක්ක කතා කරලා කිව්වේ මම ගමේ කමට බලලා යන්න ආවා කියලා. ඒ කාලේ ඔහු ධීවර ඇමැති. එහෙම ආවාම අම්මා කිව්වා ළමයින්ට ඉස්කෝලේ යන්න අධ්යාපන පහසුකම් නෑ ත්රිකුණාමලයේ, එල්.ටී.ටී.ඊ කලබලත් එක්ක සිංහල පාසල් තිබුණේ නෑ, සිංහල මාධ්යයෙන් ඉගෙන ගන්න. ඉතින් එතුමා එතකොට මැදිහත් වෙලා අපිට කොළඹට එන්න උදව් කරනවා. මම හිතන්නේ ඒක දේශපාලන අරමුණකින් නෙවෙයි, එතුමා විජේවීර කියන නමට ගරු කිරීමක් වශයෙන් තමයි අපි බලන්න එන්න ඇත්තේ සහ උදව් කළේත්. සැලකීමක් හැටියට.
ඒ ඔස්සේ තමයි මම කොළඹ ඩී.එස්. සේනානායක විද්යාලයට ඇතුළත් වෙන්නේ. මම මුලින්ම පහ වසර වෙනකල් ත්රිකුණාමලයේ තිස්ස විද්යාලයේ ඉගෙන ගත්තේ. ඊට පස්සේ කොළඹ ආවට පස්සේ ආරක්ෂක හේතූන් මත මම අවුරුද්දක් ඉස්කෝලේ ගියේ නැහැ. ඊට පස්සේ හත වසරට තමයි ඩී.එස්. සේනානායක විද්යාලයට ඇතුළු වෙන්නේ. ඉතින් එහෙම මහින්ද රාජපක්ෂ මහත්මයා අපිට උදව් කළා.
ඊට අමතරව 71 අරගලයට සම්බන්ධ වුණා මහින්ද විජේසේකර මහත්මයා. අපිට උදව් කරලා තියෙනවා. ඔවුන් දේශපාලන වශයෙන් ජනතා විමුක්ති පෙරමුණේ නෙවෙයි ඉන්නේ. නමුත් තාත්තාට ගරු කිරීමක් හැටියට එහෙම උදව් කරපු දේශපාලඥයෝ ඉන්නවා විවිධ ස්ථානවල.
