සමගි ජන බලවේගය සහ එහි නායක සජිත් ප්රේමදාස මහතා අපහසුතාවයට පත් කිරීමේ අරමුණින් අද දින රනිල් වික්රමසිංහ මහතාගේ පවුලට අයත් ලංකාදීප වෙබ් අඩවියේ අසත්ය පුවතක් පළ කොට තිබේ.Sri Lanka Latest News
ඒ ‘කතා පෙට්ටිය අඩු කරන්නැයි මන්ත්රී පිරිසක් ඉල්ලති’ යන හිසින් යුතුවය.
කෙසේවෙතත් අද දින වෙළෙදපොළට නිකුත් වූ මව්රට පුවත්පත මේ බව කල්තියා අනාවරණ කරමින් කියා සිටියේ සජබ නායක සජිත්ට ප්රහාර එල්ල කිරීම ආරම්භ කරන ලෙසට එජාප ඉහළින් උපදෙස් නිකුත් වී ඇති බවකි.
පහත දැක්වෙන්නේ අද ලංකාදීපය පළ කොට තිබූ පුවතත් මව්රට පුවත්පත පළ කොට තිබූ පුවතත්ය.
අද ලංකාදීප පළ කොට තිබූ පුවත!
පාර්ලිමේන්තුවේ කතා සීමාකර පක්ෂයේ සෙසු කථිකයන්ට වැඩි අවස්ථාව දෙන ලෙස මන්ත්රීවරුන් දස දෙනෙකු විපක්ෂයේ නායකයෙකුගෙන් පසුගියදා ඉල්ලීම් කර ඇතැයි වාර්තාවේ.
“ඔබතුමාම කතා නොකර සෙසු මන්ත්රීවරුන්ට පාර්ලිමේන්තුවේ කතා කරන්න වැඩි අවස්ථාව දෙන්න. අපිට පුළුවන් ඔබතුමා ඉහළම පුටුවට ගෙනියන්න” යනුවෙන් එම මන්ත්රීවරුන් එහිදී පක්ෂ නායකයාගෙන් ඉල්ලීම් කර ඇත.
ඒ අවස්ථාවේදී පක්ෂ නායකයා මන්ත්රීවරුන්ගේ එම ඉල්ලීම සම්බන්ධයෙන් කිසිවක් නොපවසා නිහඬව සිට ඇතැයි වාර්තාවේ.
මේ අතර එම පක්ෂයේ ඇතැම් මන්ත්රීවරුන් පක්ෂ නායකත්වයට ප්රසිද්ධියේම බරපතළ විවේචන එල්ල කිරීම හේතුවෙන් අර්බුදකාරී තත්ත්වයක් පැන නැගී ඇතැයි දේශපාලන ආරංචි මාර්ග සඳහන් කළේය.
එසේම පක්ෂයේ නිලතලවල වෙනසක් කඩිනමින් කරන ලෙසටද එම මන්ත්රීවරු පක්ෂ නායකත්වයෙන් දිගින් දිගටම ඉල්ලීම් කරති.
අද ‘මව්රට’ පළකළ පුවත!
සමගි ජන බලවේගයේ නායක සජිත් ප්රේමදාස මහතාට එරෙහිව දැවැන්ත මාධ්ය මෙහෙයුමක් වහාම දියත් කරන ලෙසට එක්සත් ජාතික පක්ෂයේ ඉහළින්ම නියෝගයක් නිකුත්වී ඇති බව ‘මව්රට’ පුවත්පතට දැනගන්නට ඇත.
ඒ අනුව පසුගිය සතියේදී එක්සත් ජාතික පක්ෂයට හිතවත් මාධ්යවේදීන් පිරිසකට සහ සමාජ මාධ්ය ක්රියාකරුවන් පිරිසකටත්, විපක්ෂයේ දේශපාලන පක්ෂ කීපයක නායකයන්ටත් එජාපයේ ඉහළින් ලැබී ඇති නියෝගයකින් කියැවී ඇත්තේ සජිත් ප්රේමදාස මහතා ඉලක්ක කොට ප්රචාරක ව්යාපාරයක් ආරම්භ කරන ලෙසය.
ඊට ජාතික මාධ්යවලත්, සමාජ මාධ්යවලත් විශාල ප්රචාරයක් ලබාදෙන ලෙසටද එම නියෝගයෙන් කියවී ඇති බවක්ද දැනගන්නට ඇත.
එක්සත් ජාතික පක්ෂයේ ප්රධානත්වයෙන් පසුගියදා මාතර පැවැති සම්මන්ත්රණය අසාර්ථක වීමත් සමග එජාපයේ ඉහළින් මෙම නියෝගය නිකුත් වී ඇති බවක්ද දැනගන්නට තිබේ.
ඒ අනුව දැනටමත් එජාපයට හිතවත් සමාජ මාධ්ය ක්රියාකරුවකු විසින් සිය යූටියුබ් නාලිකාවේ විපක්ෂ නායක සජිත් ප්රේමදාස මහතා ඉලක්ක කොට ප්රහාර දියත් කිරීම ආරම්භ කොට ඇති ආකාරයක් දැකගන්නට ඇත.
