යූඑස් ඒඩ් ආයතනයේ පරිපාලක සමන්තා පවර් මහත්මිය, ජනාධිපති රනිල් වික්රමසිංහ මහතා සමඟ ශ්රී ලංකාවේ ආර්ථික ප්රතිසංස්කරණ වැඩසටහන ගැන සූම් තාක්ෂණ්ය ඔස්සේ අදහස් හුවමාරු කරගෙන තිබේ.Sri Lanka Latest News
එහිදී ඇය මෙරට ආර්ථික අභියෝගයන් ජයගැනීම සඳහා අවශ්ය සහාය ලබාදෙන බවට පොරොන්දු වූ බව නිවේදනයක සඳහන් වේ.
මේ අතර යුරෝපා සංගමයේ ශ්රී ලංකා තානාපති කාමෙන් මොරෙනෝ (Carmen Moreno) මහත්මිය සහ ජාතික ජන බලවේගයේ නායක අනුර දිසානායක අතර හමුවක් අද (13) පස්වරුවේදී ජනතා විමුක්ති පෙරමුණේ ප්රධාන කාර්යාලයේදී සිදු වී තිබේ.
ශ්රී ලංකාවේ ආර්ථික අර්බුදය සහ පවතින දේශපාලන තත්වය පිළිබඳව මෙහිදී සාකච්ඡාවට බඳුන් වී ඇති අතර ශ්රී ලංකාවේ මානව හිමිකම් ආරක්ෂා කිරීම, ප්රජාතන්ත්රවාදය ආරක්ෂා කිරීම මෙන්ම මැතිවරණ කල් දැමීම ගැනද අවධානයට ලක් වී ඇත.
එසේම මාර්ගගත ක්රමවල සුරක්ෂිතභාවය පිළිබඳ පනත (Online Safety bill) පිළිබඳවද මෙම සාකච්ඡාවේදී අවධානයට ලක් වී අතර දෙපාර්ශ්වය අතර සබඳතා ශක්තිමත් කරගැනීම පිළිබඳවද අවධානය යොමු කර තිබේ.
මෙම හමුව සඳහා යුරෝපා සංගමයේ ශ්රී ලංකා නියෝජිත පිරිසේ නියෝජ්ය ප්රධානි ලාර්ස් බ්රෙඩාල් (Lars Bredal) සහ ජාතික ජන බලවේගයේ ජාතික විධායක සභික විජිත හේරත්ද එක්ව සිටියහ.
