විපක්ෂයේ සියලුම දේශපාලන පක්ෂ නියෝජිතයන් හට හිටපු ජනාධිපති රනිල් වික්රමසිංහ මහතා විසින් අද (02) රාත්රියේදී කොළඹ කොල්ලුපිටියේ පිහිටි ‘ස්විමින් ක්ලබ්’හිදී විශේෂ රාත්රී භෝජන සංග්රහයක් පැවත්වීමට සැලසුම් කර තිබේ.Sri Lanka Latest News
තමන් අත්අඩංගුවට පත්වූ අවස්ථාවේදී තමන් නිදහස් කර ගැනීම සදහා එකමුතුව කටයුතු කළ විපක්ෂයේ පක්ෂ නියෝජිතයන් 25 දෙනකුට පමණ මෙම රාත්රී භෝජන සංග්රහයට ආරාධනා කොට ඇති බව දැනගන්නට ඇත.
මෙම භෝජන සංග්රහය සදහා ඉතා ඉහළ තත්ත්වයේ මධුවිත සහ සුපිරි ගණයේ ආහාරපානද මේ වනවිටත් ඇනවුම් කර ඇති බවක් දැනගන්නට තිබේ.
එජාප සභාපති වජිර අබේවර්ධන මහතා විසින් මෙම පක්ෂ නියෝජිතයන් හට පෞද්ගලිකව දුරකතන ඇමැතුම් ලබා දෙමින් සහ වට්ස්ඇප් වාර්ගයෙන් පණිවුඩ යොමු කරමින් ඒ සදහා ආරාධනාව සිදු කොට ඇති බවද දැනගන්නට ඇත.
ඒ අනුව සමගි ජන බලවේගය වෙනුවෙන් එහි මහලේකම් රංජිත් මද්දුමබණ්ඩාර, සභාපති කබීර් හෂීම් සහ ජාතික සංවිධායක තිස්ස අත්තනායක යන මහත්වරුන්ටද ඒ සදහා ආරාධනා කොට ඇති බව පැවසේ.
