මැලේසියාවේ නිල සංචාරයක නිරත වන ලෙස ජනාධිපති රනිල් වික්රමසිංහ මහතා වෙත එරට රජු විසින් ආරාධනා කර ඇති අතර ඒ අනුව ජනාධිපතිවරයා ලබන වසරේ ජනවාරි හෝ පෙබරවාරි මාසයේදී මැලේසියාවේ සංචාරය කිරිමට සිය එකඟතාව පළ කර සිටියේ ය.
ශ්රී ලංකාවේ ආයෝජන සඳහා තවදුරටත් සමාගම් යොමු කරවීමට මැලේසියානු අග්රාමාත්යවරයා උනන්දු වන බව පැවසූ අතර දෙරට අතර නිදහස් වෙළඳ ගිවිසුමකට එළැඹීම සම්බන්ධයෙන් ද ධනාත්මක ප්රතිචාරයක් දැක්වීය.
මැලේසියාවේ විදේශ අමාත්යවරයා ලබන මාසයේ කොළඹදී පැවත්වෙන IORA සමුළුව සඳහා සහභාගී වීමට නියමිත අතර, කලාපීය විස්තීරණ ආර්ථික හවුල්කාරීත්වය (RCEP) සමඟ සම්බන්ධ වීමට ශ්රී ලංකාව ගන්නා උත්සාහයට සහාය දක්වන බව ද මැලේසියානු අග්රාමාත්යවරයා පැවසීය
