ඉන්දීය අගමැති නරේන්දු මෝඩි මහතාගේ ආරාධනාවකට අනුව ලබන 20 වැනි දින ජනාධිපති ගෝඨාභය රාජපක්ෂ මහතා ඉන්දියාවේ සංචාරයක නිරත වීමට සැලසුම් කර ඇත.
‘නිව්ස් 18’ පුවත් සේවය වාර්තා කරන්නේ බුදුන් වහන්සේ අපවත් වූ ඉන්දියාවේ කුෂිනගර්හි සිදුකෙරෙන නව ජාත්යන්තර ගුවන් තොටුපළක් විවෘත කිරීමේ උත්සවයට සහභාගී වීම සදහා මෙසේ ජනාධිපතිවරයා පිටත්ව යනු ඇති බවකි.
ශ්රී ලංකා ජනාධිපතිවරයා සමඟ 24ක නිල දූත පිරිසක් සහ බෞද්ධ භික්ෂූන් වහන්සේලා 125 නමක් පැමිණෙන බව නිව්ස් 18 පුවත් සේවය වාර්තා කර ඇත.
එදින බොහෝ විදෙස් රටවල තානාපතිවරුන් ද කුෂිනගර් වෙත පැමිණ සිටිනු ඇතැයි අපේක්ෂා කරන අතර විශේෂයෙන් බෞද්ධ ජනගහනය ඇති රටවල නිලධාරින් පැමිණෙනු ඇති බව මාධ්ය අනාවරණය කොට ඇත.
