ගාල්ල, වැකුණගොඩ ප්රදේශයේ පෞද්ගලික ඉඩමකට ඇතුලු වී අනවසරයෙන් පොල් කඩමින් සිටි පුද්ගලයන් දෙදෙනකු පොල් ගෙඩි තුනක් සමග පොලිසිය විසින් අත්අඩංගුවට ගෙන ඇත.
ගාල්ල ප්රදේශයේ පදිංචිකරුවන් වන සැකකරුවන් අතර බාල වයස්කාර දරුවෙකුද සිටි බව පොලිසිය සඳහන් කළේය.
ඉඩමේ සවිකර තිබූ ආරක්ෂිත කැමරාවල මෙම පුද්ගලයින් පොල් කඩන ආකාරය සටහන්ව තිබූ අතර, ඒ පිළිබඳ ඉඩම් හිමිකරු පොලිසියට පැමිණිලි කර තිබිණ.
ඒ අනුව අත්අඩංගුවට ගත් සැකකරුවන් ගාල්ල ප්රධාන මහෙස්ත්රාත් හර්ෂණ කැකුණවෙල මහතා හමුවට ඉදිරිපත් කිරීමෙන් පසු එක් සැකකරුවෙකුට රුපියල් ලක්ෂ 2ක් බැගින් වූ ශරීර ඇප දෙකක් මත මුදා හැරීමට නියෝග කර ඇත.
