පෝලන්තයේ ටෝරුම් හි පැවැත්වුණු ‘ලෝක ප්රවීණයන්ගේ ගෘහස්ත මළල ක්රිඩා ශූරතාවලිය 2023’ සඳහා මෙවර ශ්රී ලංකාව නියෝජනය කළ ප්රවීණ ක්රීඩකයන් පහළොස් දෙනාටම එම තරගාවලියට සහභාගී වීමට පෝලන්ත රාජ්යයෙන් වීසා ලබාදී නොමැති බව වාර්තා වේ.
මෙම ක්රීඩකයන් තමන්ට අවශ්ය අනුග්රාහකයන් සොයාගෙන, එරට නැවතීමට අවශ්ය හෝටල් පහසුකම් පවා වෙන්කර තිබියදී මෙවැනි තත්ත්වයකට පත්ව ඇති අතර, මේ හේතුව නිසා එම ක්රීඩක ක්රීඩිකාවන් මහත් කලකිරීමට පත්ව ඇති බව ඔවුන්ට සමීප ආරංචි මාර්ග අනාවරණ කළේය.
පෝලන්තයේ ටෝරුම් හිදී මෙම තරගාවලිය පසුගිය මාර්තු 26 වැනිදා ආරම්භ වූ අතර එය 01 වැනිදා අවසන් විය. මෙරට ක්රීඩක ක්රීඩිකාවන් ඒ සඳහා පසුගිය සතියේ ගමන් කිරීමට අවශ්ය කටයුතු සම්පාදනය කර ඇති අතර ඔවුන් සිය පෞද්ගලික වියදමින් හෝටල් කාමර පවා වෙන්කරවාගෙන ඇත. ඇතැම් ක්රීඩකයන්ට මේ සඳහා සිය පෞද්ගලික මුදලින් රුපියල් ලක්ෂ තුනකට වැඩි මුදලක් වැයවී ඇති ඇති අතර ඇතැම් ක්රීඩකයන්ට පෞද්ගලික අනුග්රාහකයන් සිටියදී පවා වීසා ලබාදීමට පෝලන්ත ආගමන විගමන බලධාරීන් පියවර ගෙන නැති බව සඳහන් වේ.
මේ ආකාරයෙන්ම මීට සති කිහිපයකට පෙර ඔස්ට්රේලියාවේ පැවති ප්රවීණයන්ගේ මළල ක්රීඩා තරගාවලියකටද සහභාගී වීමට බලාපොරොත්තුවෙන් සිටි කණ්ඩායමකට ද එරටින් වීසා ලබාදී නැති අතර මෙම තත්ත්වය ශ්රී ලංකාවට සහ මෙරට ක්රීඩකයන්ට දැඩි අවාසිසහගත තත්ත්වයක් නිර්මාණය කර ඇති බව ද වාර්තා වේ.
මෙම රටවලින් වීසා ලබා නොදීමට හේතුව මෙම ක්රිඩකයන් ආපසු නොපැමිණෙනු ඇති බවට පවතනි සැකය බට ප්රකාශ වේ.
ඔවුන්ගේ යළි පැමිණීම තහවුරු කරවන රාජ්යතාන්ත්රීක මැදිහත්වීමක් ශ්රී ලංකාවේ ක්රීඩා බලධාරීන් වෙතින් ක්රියාත්මක වී නැති බව ද වාර්තා වේ.
lankasara
