ජන අරගල සන්ධානය අද (09) දින කොළඹ දිස්ත්රික්කය සඳහා නාමයෝජනා භාර දෙන ලදී. කොළඹ දිස්ත්රික් ලේකම් කාර්යාලයේ දී ජන අරගල සන්ධානයේ නියෝජිතයින් අද දහවල් 1.00ට නාමයෝජනා භාර දෙන ලදී.Sri Lanka Latest News
එහිදී මාධ්යය වෙත අදහස් දැක්වූ ජන අරගල සන්ධානයේ කොළඹ දිස්ත්රික් අපේක්ෂක පෙරටුගාමී සමාජවාදී පක්ෂයේ අධ්යාපන ලේකම් පුබුදු ජයගොඩ.
” අපි ජන අරගල සන්ධානය විදිහට ලංකාවේ සියලු මැතිවරණ දිස්ත්රික් සඳහා නාමයෝජනා භාර දෙනවා. මේ කොළඹ දිස්ත්රික්කයෙන් පාර්ලිමේන්තුවට ගිය නියෝජිතයෝ අර්බුදය වෙලාවේ හිට ගත්තෙ කාගෙ පැත්තෙද කියලා ජනතාව දන්නවා. බාල බෙහෙත් නිසා කොළඹ ජාතික රෝහලේ රෝගීන් මිය ගියා. කොළඹ අක්ෂි රෝහලේ රෝගීන්ගේ ඇස් අන්ධ වුනා. ඒ වෙලාවේ පාර්ලිමේන්තුව ඇතුලේ හිටපු නියෝජිතයෝ අහිංසක ජනතාව වෙනුවෙන් කතාකලේ නෑ. ඔවුන් ඒ වෙලාවෙ පෙනී හිටියෙ ජාවරම්කාර ඖෂධ සමාගම් ආරක්ෂා කරගැනීම වෙනුවෙන්.
එක්ස්ප්රස් පර්ල් නෞකාව නිසා අපේ රටේ මුහුදු තීරයට හානි වෙලා මාස ගණනාවක් මේ කොළඹ දිස්ත්රික්කය ආශ්රිත ධීවරයන් මුහුදු යන්න විදිහක් නැතුව හිටියා. තව වසර සියයකින්වත් යථා තත්වයට පත් කරන්න බැරි හානියක් තමයි සාගර පරිසර පද්ධතියට වුනේ. ඒ වෙලාවෙ අර ජනතා නියෝජිතයෝ කියාගත්ත අය පෙනී හිටියෙ ජනතාව වෙනුවෙන් පරිසරය වෙනුවෙන් නෙවෙයි. ඔවුන් එදා උත්සහ කලේ ප්රාග්ධන හිමියන් නැව් සමාගම් ආරක්ෂා කරගන්න.
කොළඹ දිස්ත්රික්කයේ කම්කරුවෝ, හස්තකර්මාන්තකරුවෝ, සුළු හා මධ්ය පරිමාණ ව්යවසායකයෝ, ධීවරයො මේ සියලු දෙනාගෙ ආර්ථිකය විනාශ වෙන විදිහෙ ආර්ථික පරිවර්තන පනතට විරුද්ධව අත උස්සන්න කෙනෙක් පාර්ලිමේන්තුව ඇතුලෙ හිටියෙ නෑ. ඒ නිසා අපි ජනතාවට කියනවා තවදුරටත් ඒ සාම්ප්රදායික නියෝජිතයින් ගැන විශ්වාසය තියන්න එපා. ආණ්ඩුව අලුත් කලා වගේම විපක්ෂයත් අලුත් කරන්න කාලය ඇවිල්ලා. ඒ නිසා මේ මැතිවරණයේදී ජනතාවගේ අභිලාෂයන් නියෝජනය කරන ජන අරගල සන්ධානය වටා එකතු වෙන්න කියලා අපි ජනතාවට ආරාධනා කරනවා. “
