ශ්රී ලන්කන් ගුවන් සේවයට අයත් UL 306 දරණ ගුවන් යානයේ ඇති වූ කාර්මික දෝෂයක් හේතුවෙන් ඉන්දුනිසියාවේ සුමත්රා හි මදේනා ගුවන් තොටුපලට ගොඩබස්සවා තිබෙනවා. Sri Lanka Latest News
එම අවස්ථාවේ අදාළ ගුවන් යානයේ මගීන් 200 කට ආසන්න පිරිසක් ගමන්කරමින් සිට ඇති බව සඳහන්.
එම ගුවන් යානය ඊයේ අළුයම 1.50 ට කටුනායක ගුවන්තොටුපලෙන් සිංගප්පූරුව බලා ගුවන් ගතකර තිබූ අතර යානයේ ඇතිවූ හදිසි කාර්මික දෝෂයක් හේතුවෙන් මෙලෙස එය සුමාත්රාහි මදේනා ගුවන් තොටුපළට ගොඩබස්වා තිබුණා.
කෙසේ වෙතත් එරට පවතින ආගමන විගමන නීති අනුව යානයේ සිටි පිරිසට ගුවන්තොටුපළින් පිටතට යාමට බාධා මතුව තිබෙනවා.
මෙරට බලධාරින් සිදුකළ ඉල්ලීමක් අනුව ඇතැම් මගීන් නවාතැන් වෙත යොමුකර තිබූ අතර තවත් මගීන් පිරිසක් තවදුරටත් ගුවන් තොටුපළේ රැඳී සිටින බවයි වාර්තා වන්නේ.
