මේ ගමනේ අරමුණ වන්නේ ප්රජාතන්ත්රවාදය ශක්තිමත් කර දේශපාලන දඩයම නතර කිරිම බවත් ඒ තුළ මෙරට දූෂණය වංචාව හොරකම පිටුදැකීමේ ක්රියාවලියට සහයෝගය ලබා දෙන බවත් ඉන් බැහැර නොවන බවත් දූෂණයට වංචාවට හොරකමට විරුද්ධව ශ්රේෂ්ඨාධිකරණයට ගොස් රට බංකොලොත් කිරිම පිළිබඳ මූලික අයිතිවාසිකම් නඩු පවරා තීන්දු ලබා ගත්තේ සමගි ජන බලවේගය බවත් රජය සහ රජය සම්බන්ධ පාර්ශ්වවලට හොරකම් නොකරන අය ඉන්නවා කියා සුජාත භාවයක් ගත නොහැකි බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද විපක්ෂ නායක කාර්යාලයේ දී විපක්ෂයේ පක්ෂ නායකයන් සමඟ පැවැති හමුවකදීය.
සමගි ජන බලවේගය පැහැදිලිවම මර්දනයට සහ තර්ජනයට විරුද්ධ බවත් මූලික අයිතිවාසිකම් උත්තරීතර නීතියේ සදහන් බවත් භාෂණයේ නිදහස, දේශපාලනය කිරීමේ නිදහස, ආගමක් ඇදහීමේ නිදහස සංස්කෘතික නිදහස ඇති බවත් මේ මූලික අයිතිවාසිකම් සුරක්ෂා කරන්න සියලු දෙනා පෙළගැසී ඇති බවත් විපක්ෂ නායක කාර්යාලය මූලික කර ගෙන ඒකාබද්ධ ගමනක් යන්නට එක්වන ලෙසත් පක්ෂග්රාහී නොවන වැඩසටහනක් පොදු යහපත ප්රජාතන්ත්රවාදය මානව හා මූලික අයිතිවාසිකම් සුරක්ෂා කිරීමේ ගුණාංගය කේන්ද්ර කර ගෙන යන විට එකතු විය හැකි අය මේ ගමනට එක්විය හැකි බවත් විපක්ෂ නායක සජිත් ප්රේමදාස මහතා පැවසීය.
කිසිසේත්ම මාධ්ය නිදහසට බාධා කරන්න දෙන්න බැහැ
එසේම මෙරට නිදහස් මාධ්ය ආරක්ෂා කර ගත යුතු බවත් ප්රජාව සමඟ සෘජුව අදහස් හුවමාරු කර ගන්නවා සේම ප්රජාවගේ අදහස් ද අප දැනගත යුතු බවත් මේ සන්නිවේදනයට අත තියන්න රජය විවිධ උත්සාහයන් දරන බවත් ප්රජාතන්ත්රවාදය ආරක්ෂා කරන්න සත්භාවයෙන් ක්රියාත්මක වන මේ වැඩසටහන තුළින් නිදහස් මාධ්ය ද සුරක්ෂා කරනා බවත් විපක්ෂ නායකවරයා වැඩිදුරටත් පැවසීය.
