ශ්රී ලංකා ක්රිකට් ආයතනය ජාත්යන්තර ක්රිකට් කවුන්සිලයේ සභාපතිවරයාට අගෝස්තු 28 වැනිදා ලිපියක් යොමුකර තිබෙන බවත් රජයෙන් ශ්රී ලංකා ක්රිකට් ආයතනයට එල්ල වල අභියෝග කරුණු 5 ක් යටතේ සඳහන් කරමින් ශ්රී ලංකා ක්රිකට් ආයතනය ජාත්යන්තර ක්රිකට් කවුන්සිලය වෙත මෙම ලිපිය යොමු කර තිබෙන බවත් විපක්ෂ නායක සජිත් ප්රේමදාස මහතා අද (18) පාර්ලිමේන්තුවේදී පැවැසීය.Sri Lanka Latest News
ක්රිකට් තරග සඳහා ක්රීඩා අධ්යක්ෂක ජනරාල්වලරයා ඇගිලි ගැසීම , ශ්රී ලංකා ක්රිකට් ආයතනයේ නිලධාරීන්ගේ වැටුප් පිළිබඳ විස්තරයක් ක්රිඩා අමාත්යාංශයේ ලේකම් ඉල්ලීම, ශ්රී ලංකා ක්රිකට් ආයතනයේ අවසර නැතුව ලංකා ප්රිමිය ලීග් තරගාවලිය ක්රියාත්මක කරන්න හැකියාව තිබීම, ශ්රී ලංකා ක්රිකට් ආයතනය සඳහා ව්යවස්ථාවක් ගොනු කර ඊට ක්රිඩා ඇමැතිවරයා මැදිහත්වීම, ශ්රී ලංකා ක්රිකට් ආයතනයේ විගණන වාර්තාව එළි දැක්වීමෙන් ශ්රී ලංකා ක්රිකට් වලට අගතියක් සිදු වූ බව යන කරුණු 5 ශ්රී ලංකා ක්රිකට් ආයතනය ජාත්යන්තර ක්රිකට් කවුන්සිලය වෙත යොමු කළ ලිපියේ සඳහන් වන බවත් සජිත් ප්රේමදාස මහතා කීය.
එමෙන්ම ක්රීඩා ඇමැතිවරයා ජාතික ක්රීඩා අරමුදලට සියයට 20 ක පරිත්යාගයක් කරන්නැයි කියා ක්රීඩා ඇමැතිවරයා ක්රිකට් ආයතනයට බලපෑම් කළ බවත් ශ්රී ලංකා ක්රිකට් ආයතනය ජාත්යන්තර ක්රිකට් කවුන්සිලය වෙත යොමු කළ ලිපියේ අමතර කරුණක් ලෙස දක්වා ඇති බවත් විපක්ෂ නායකවරයා කීය.
එක් කල්ලියකට මුදල් ඉපැයීම සඳහා ශ්රී ලංකා ක්රිකට් ක්රීඩාව තුට්ටු දෙකට ජාත්යන්තරයට විකුණා ක්රිකට් ආයතනය ශ්රී ලංකා ක්රිකට් තහනම ගෙන ආ බවත් විපක්ෂ නායකවරයා පැවැසීය.
