රාජ්ය සුබසාධන පද්ධතියේ වටිනාම සේවාවක් වන නිදහස් අධ්යාපනයට ගුරු හිගය තුළ බරපතල බලපෑම් එල්ලවන අවධියේ එය මගහරවා ගැනීමට සංවර්ධන නිලධාරී උපාධිධාරින් 22000ක් ගුරු හිගය පියවන්න එදා කටයුතු කළ බවත් වසර 5-10 කාලයක් පුරා ජනාධිපතිවරයාගේ කැබිනට් අනුමැතිය තුළ සහ රාජ්ය සේවා කොමිෂන් සභාවේ නිර්දේශය තුළ අධ්යාපන අමාත්යාංශයේ සහ කලාප කාර්යාලවල ලිඛිත නිර්දේශ තුළ මේ 22000කට ආසන්න සංවර්ධන නිලධාරී ගුරුවරුන් නිදහස් අධ්යාපනය ශක්තිමත් කරන්න විශිෂ්ට සේවාවක් ඉටු කළත් මේ වන විට මේ 22000 ප්රමාණය 17000 දක්වා අඩු වී ඇති බවත් එයට හේතුව විවිධ අවස්ථාවල මොවුන් ගුරු සේවයට අන්තර්ග්රහණය කර ගන්නවා යැයි කිව්වත් මේ ක්ෂෙත්රයෙන් 5000ක් පමණ ඉවත් වී දැනටත් 17000ක් පමණ ගුරු හිගය මගහරවා ගැනීමට විශිෂ්ට සේවාවක් ඉටු කරන බවත් විපක්ෂ නායකවරයා පැවසීය. Sri Lanka Latest News
පසුගිය කාලයේ වත්මන් රජය විපක්ෂයේ සිටින විට මේ ගුරු සංවර්ධන නිලධාරින්ට දුන් පොරොන්දුවක් ලෙස මේ අය ගුරු සේවයට බදවා ගන්නවා යැයි පොරොන්දු වෙමින් ජනාධිපතිවරයා කැබිනට් අමාත්යවරු පාර්ලිමේන්තුවේ රජයේ මන්ත්රීවරුන් මේ පොරොන්දු අවස්ථා රැසක දුන් බවත් සමථකරණ යෝජනාවක් අනුව මොවුන් අභ්යාසලාභී ගුරුවරුන් ලෙස 2.2 ශ්රේණියට බදවා ගෙන පශ්චාත් උපාධිය සමත් වීම හරහා ගුරුවරුන් ලෙස ස්ථිර වීමට හැකියාව පවතින බවත් මෙවැනි තීන්දුවක් තිබියදී පවා රජයේ ඇමතිවරුන් කියන ආකාරයට මොවුන් ගුරු සේවයට බදවා ගැනීමට නොහැකි බවට පවසන බවත් එදා ඡන්ද කාලයේ මෙවැනි කතා නොකියා දැන් ගුරු සංවර්ධන නිලධාරීන් රවටා ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ගුරු සංවර්ධන නිලධාරීන්ගේ ගැටලුව සම්බන්ධයෙන් විශේෂ ප්රකාශයක් සිදු කරමිනි.
නිදහස් අධ්යාපනයේ ගුරුහිගයක් පැවැති අවස්ථාවේ මොවුන් සේවය කළ බවත් එදා මොවුන්ව ඉහළ සුදුසුකම් ඇති අය ලෙස සලකා අද සුදුසුකම් නැති බව පැවසීමම ගැටලුවක් බවත් අධ්යාපන අමාත්යාංශය හිතාමතාම විභාග පවත්වන්නේ නැතිව මොවුන් ඉගැන්වීම් කටයුතු සදහා යොදාගෙන ඇති බවත් මේ අය අතර නියෝජ්ය විදුහල්පතිවරුන් ලෙස ද කටයුතු කරන බැවින් රජය මොවුන් ගැන සිතිය යුතු බවත් වසර ගණනාවක් අත්දැකීම් ඇති මේ අයට ඉහළම සුදුසුකම් ඇති නිසා පැහැදිලිවම තවදුරටත් බොරු පොරොන්දු ලබා නොදී බොරු සාකච්ඡා ලබා නොදී තවදුරටත් රැවටිල්ල බොරුව මංමුලාව සිදු නොකර කල් ගන්නේ නැතිව නිවැරදිව තීන්දු තීරණ ගත යුතු බවත් විපක්ෂ නායකවරයා පැවසීය.
