ජුලි 5 සහ 6 යන දෙදින තුළ මීගමුව බන්ධනාගාරය තුළ ඇති වූ බරපතල නොසන්සුන්තාව සහ ගැටුම නිසා බන්ධනාගාර නිලධාරීන් රැදවියන් 27ක් පමණ මිය ගොස් තවත් 100කට අධික ප්රමාණයකට තුවාල සිදුව ඇති බවත් මේ මරණ සහ තුවාල ගැන සම්පූර්ණ වගකීම ආණ්ඩුව මත පැටවෙන බවත් බන්ධනාගාර ගතව සිරගතව සිටින අය රිමාන්ඩ් බාරයේ හෝ සිරකරුවන් ලෙස සිටියත් ඔවුන් රාජ්ය භාරයේ සිටින නිසා මොවුන්ගේ ජීවිත ආරක්ෂාව ගැන මූලික වගකීම ආණ්ඩුව සතු බවට ජනාධිපතිවරයා පවා විපක්ෂයේ සිටින විට 2020.11.30 වැනිදා ප්රකාශ කර ඇති බවත් විපක්ෂ නායකවරයා පැවසීය.Sri Lanka Latest News
එබැවින් මේ සිදුවීම ගැන පාර්ලිමේන්තුවක් ලෙස සාකච්ඡා කළ යුතු නිසා අද දිනයේ එය පුළුල් දීර්ඝ සාකච්ඡාවක් ලෙස පැය 4ක සාකච්ඡාවක් පැවැත්විය යුතු බවට යෝජනා කරන බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය
මෙය බරපතල ඛේදවාචකයක් නිසා පැය 2ක විවාදයක් පැවැත්වීම ප්රමාණවත් නොමැති බවත් එම නිසා මේ යෝජනාව හෑල්ලුවට ලක් නොකර පැය 4ක සාකච්ඡාවක් සඳහා අවස්ථාව ලබා දෙන ලෙස ගෞරවයෙන් ඉල්ලා සිටින බවත් විපක්ෂ නායකවරයා වැඩිදුරටත් පැවසීය.
