මේ තරම් දැවැන්ත විනාශයක් සිදුව ඇති මොහොතක තවමත් රජයෙන් ව්යසන තත්ත්වයක් ප්රකාශ කර නොමැති වීම කණගටුවට කරුණක් බවත් කාලගුණ දෙපාර්තමේන්තුව කියන ආකාරයට ගිණිකොන දිසාවේ කි. මි. 170කට එහා ගැඹුරු පීඩන අවපාතයක් නිර්මාණය වී එය සුළි සුළගක් පත්ව ඇති මොහොතක රජය තවමත් ව්යවසනයක් ලෙස ප්රකාශයට පත් කර නොමැති බවත් 2005 අංක 13 දරන ශ්රී ලංකාව ව්යසන කළමනාකරණ පනතේ 11 වැනි වගන්තිය තුළ ව්යසන තත්ත්වයක් ප්රකාශයට පත් කිරිම තුළ ඉතාම ඉක්මනින් පීඩනයට අසහනයට පත්වන පවුල්වලට සහන ලබා දිය හැකි බවත් මීට අදාළ පුද්ගලයන්ට උපදෙස් දී ව්යසන තත්ත්වයක් ප්රකාශයට පත් කරන ලෙස රජයෙන් ඉල්ලා සිටින බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේ දි පැවසීය.Sri Lanka Latest News
මේ සම්බන්ධයෙන් තමා ජනාධිපතිවරයාට කිව්වත් තවමත් එය ඉටු කර නොමැති බවත් අවම වශයෙන් රජය මේ ගැන ඇති අණ පනත් ගැනවත් නොදන්නා බවත් විපක්ෂ නායකවරයා පැවසීය.
එසේම අයහපත් කාලගුණ තත්ත්වය නිසා විශාල ව්යසනයක් සිදුවී ජීවිත අහිමි වූ උන්හිටිතැන් අහිමි වූ හානියකට ලක් වූ අපේම රටේ ජනතාවට කණගාටුව මෙන්ම ශෝකය පුදකර සිටින බවත් මේ ආපදාව තුළ විපතට පත් ජනතාවට උදව් උපකාර කරන්නට කටයුතු කරන රජයේ නිලධාරීන් සියලු දෙනාටත් ආරක්ෂක අංශවලටත් සිය ස්තූතිය පුදකර සිටින බවත් මේ ඇති වී තිබෙන ආපදා තත්ත්වය නිසා අසහනයට, පීඩනයට හා හානියට පත් ජනතාවට අවශ්ය සහන ලබා දි ඔවුන්ට යම් සැනසීමක් ලබා දෙන ලෙස රජයෙන් ඉල්ලා සිටින බවත් විපක්ෂ නායකවරයා පැවසීය.
එසේම ව්යසන තත්ත්වයක් ප්රකාශයට පත් කර ජීවිත අහිමි වූවන්ට දේපල අහිමිවූවන්ට ජීවනෝපායන් අහිමිවූවන්ට සහන ලබා දීමේ දී යල්පැනගිය චක්රලේඛ ඉවත් කර යුගයට ඔබින ආකාරයට එවා ක්රියාත්මක කරන ලෙසත් විපතට පත් වුවන්ට වන්දි ලබා දෙන ලෙසත් අදටත් අම්පාර දිස්තික්කයේ ආපදාවලට ලක්වූවන්ට සහන නොමැති නිසා දැන්වත් සහන ලබා දෙන ලෙසත් මේ ව්යසන කළමනාකරණ හා ආපදා කළමනාකරණ පනත් පවා වෙනස් විය යුතු බවත් විපක්ෂ නායකවරයා පෙන්වා දුන්නේය.
ආපදා කළමනාකරණ ක්ෂේත්රයේ ගැටලු ඇති බවත් මේ ගැටලුවලට පවා විසදුම් ලබා දිය යුතු බවත් පසු ආපදා ප්රතිචාරය මන්දගාමී නිසා මේ ගැනත් රජය දැන්වත් සිතිය යුතු බවත් මේ සෑම ආපදාවක් තුළදීම මෙවැනි කරුණු ඉදිරිපත් වුවත් ඒවා නිවැරදි නොවන බවත් අප රටට ඇති ඩොප්ලර් රේඩාර් ක්රමය හරහා දැනට ඇති කාලගුණ තත්ත්වය මෙන්ම අනතුරු ඇගවීම් කිරීමේ දත්ත ලැබෙන බවත් පුත්තලමේ ආරම්භ කළා සේම පොතුවිල්වල ද මෙය ආරම්භ කළ යුතු බවත් ජපන් රජයෙන් මේ ඉල්ලීම කළහොත් ඔවුන් මේ ආධාර ලබා දෙන බවත් විපක්ෂයක් ලෙස ජපන් තානාපතිවරයා සමග විපක්ෂය වුවත් සාකච්ඡා කර උදව් කිරිමට සූදානම් බවත් විපක්ෂ නායකවරයා පැවසීය.
