කන්ටේනර් 323 අවුලක් නෑමයි. නිදහස් කරන්න කවුරුත් කිවුවෙ නෑමයි. තිබුණු දේවල් රේගුව හෙළි කරයි. රේගු පරීක්ෂාවකින් තොරව නිදහස් කළේ යැයි චෝදනා එල්ල වන ප්රශ්නගත බහාලුම්වල නීති විරෝධී හෝ සැකකටයුතු කිසිවක් රැගෙනවිත් නැතැයි රේගු මාධ්ය ප්රකාශක අතිරේක රේගු අධ්යක්ෂ ජනරාල් සීවලී අරුක්ගොඩ මහතා පවසයි.
මාධ්ය හමුවක් අමතමින් ඔහු පැවැසුවේ එම බහාලුම් නිදහස් කිරීමට පෙර ආනයන සටහන්වල සියලු ලියකියවිලි පරීක්ෂා කරන ලද බවයි. Sri Lanka Latest News
ඒ මහතා මෙසේද පැවැසුවේය. Sri Lanka Latest News
‘ආනයනය කරපු මේ බහාලුම්වල තිබුණේ කර්මාන්ත සඳහා අවශ්ය අමුද්රව්ය, ප්ලාස්ටික්, නූල් වර්ග, රසායන ද්රව්ය, මෝටර් රථ අමතර කොටස්, සත්ව ආහාර, මැෂින් වර්ග, පලිබෝධනාශක, සිමෙන්ති, යකඩ පයිප්ප වර්ග, පොහොර, සිමෙන්ති, දැව වගේ දේවල් තමයි අඩංගු වෙලා තිබුණේ. මේ බහාලුම් ආනයනය කරලා තිබුණේ ඉන්දියාවෙන් සහ චීනයෙන් තමයි ගොඩක්ම. ඊට අමතරව ඉන්දුනීසියාව, හොංකොං, සිංගප්පූරුව, මැලේසියාව, ස්විට්සර්ලන්තය, දකුණු කොරියාව, එක්සත් අරාබි එමීර් රාජ්යය වගේ රටවලිනුත් මේ බහාලුම් ආනයනය කරලා තිබුණා.
මේ බහාලුම් නිදහස් කිරීමේදී අපි අනුගමනය කරන ලද ක්රමවේදය නිසා අපි විශ්වාස කරනවා මේ බහාලුම්වල තිබුණේ ආනයනකරුවන් විසින් රේගුවට ප්රකාශ කරන ලද භාණ්ඩ පමණයි කියලා. මේ භාණ්ඩ නිදහස් කිරීමේ ආනයන සටහන්වල සියලු ලියකියවිලි පරීක්ෂා කරලා තමයි මේ බහාලුම් නිදහස් කිරීම සිදු කළේ.
පහුගිය කාලේ අපිට චෝදනා නගලා තිබුණා. ආයුධ තියෙන්න පුළුවන් කියලා. නැත්නම් රත්රං තියෙන්න පුළුවන් කියලා. එහෙම නැත්නම් මත්ද්රව්ය තියෙන්න පුළුවන් කියලා. ඉතිං අපි තෝරාගන්න මේ ක්රමවේද අනුගමනය කරපු නිසා අපිට විශ්වාසයෙන් කියන්න පුළුවන් මේ බහාලුම්වල ඔය කියන කිසිම දෙයක් තිබුණේ නෑ කියන එක.
කෙසේ වෙතත් මේ සම්බන්ධව දැඩි කතාබහක් ඇතිවෙලා තියෙන නිසාම ශ්රී ලංකා රේගුව මේ සඳහා පශ්චාත් නිශ්කාෂණ විගණනයක් සිදුකිරීමට තීරණය කරලා තියෙනවා. ඒ සඳහා පශ්චාත් නිගමන අංශයෙන් මේ වන විටත් විගණනයක් සිදුකරමින් යනවා. ඒ වගේම මුදල් අමාත්යාංශ ලේකම්තුමා විසින් පත්කරන ලද ඉහළ පෙළේ කමිටුවක් මගින් මේ සමස්ත ක්රියාදාමයම විමර්ශනයට ලක්කරලා තියෙනවා. රේගු අධ්යක්ෂ ජනරාල්වරයා ඇතුළු සියලු නිලධාරීන් මේ කමිටුවට ගිහිල්ලා අපි විස්තර ලබාදීලා තියෙනවා. ඒ වගේම අපරාධ පරීක්ෂණ දෙපාර්තමේන්තුවටත් අපි විස්තර ලබාදීලා තියෙනවා ඒ නිසා අපිට කිසිම සැකයක් නැහැ.
ඒ වගේම මේ බහාලුම් නිදහස් කරගැනීමේ ක්රියාවලියේදී වෙන කිසිම පාර්ශ්වයකින් අණක් හෝ බලපෑමක් සිදුවුණේ නෑ. ඒක මට බොහොම ස්ථීරවම කියන්න පුළුවන්….’
රටේ රාළ Facebook පිටුවෙනි
