අරගල සාමකාමිව ඇරඹුණු කාලේ
අමනව පිරිස් රිංගා එකිනෙක තාලේ
පොරජාතන්තරය බිමටම ඇද රාළේ
මතකද? ගෙලට දැමු උරචක්කර මාලේ
දෙස්පාලනයෙ නිදහස හැම දෙනට ඇත
ඒවා නසන උරුමය කිසිවකුට නැත
අරගල මුවාවෙන් සිදුකළ අමන කැත
වැඩ කළ අයට නීතියෙ පිළිසරණ නැත
නිවෙස් හැත්තැ ගණනක් එක විටම ගිනී
තැබු ඒ සාහසිකකම මුළු රටම දනී
රජ කෙරුමට කැලෑ නීතිය බලය දිනී
මුන්ටත් අච්චු දෙනු දෙවිහාමුදුරුවනී
නීතිය අතට ගැනුමට කිසිවකුට බැහෑ
ඒ වැනි අයට නීතියෙ ඉඩ හසර නැහෑ
මන්තිරි නෙවෙයි කිසි අයකුව නසනු බැහෑ
එල්ලුම් ගහ මිසක දඬුවම මෙපිට නැහෑ
නීතිය කැලෑ අත ගත් අමන තකතිරූ
පිරිසව උපරිමව දඬුවමට ලක්කෙරූ
නීතිය පූජනීයයි මනු සුවඳ පිරූ
කිසි චකිතයක් නොමැතිව අපි කරමු ගරූ
