අද – හෙට නගී ඉහළට නව විදුලි බිල
වැස්සා වැස්ස අඩු නැතිවම කඳු රටට
විපතක් වුවද එය එහි නිවසන දනට
ජලයෙන් විදුලි බල නිපදවන කලට
එය වාසනාවකි එක අතකින් අපට Sri Lanka Latest News
ඕනෑ තරම් පිරිලා ඇති විට ජලය
අරගත යුතු නොවෙද එහි උපරිම පලය
බලතල ඇති අයද කර අරිනා වගය
ජන උරමතට එනමුදු වැටුණෙම තගය
තිබුණට ජල විදුලි නිපැයුමෙ හැකියාව
දසතට ඇසෙයි බල මැන අඬවැඩියාව
‘දිට්වා’ පළකළා නැති බව හැදියාව
පාඩුව අහෝ නැවතුණි බිලියන ගාව
එය පිරිමසිනු වස් අද බලතල ඇත්තෝ
කටයුතු කරනු ඇත ලෙස සිත්පිත් නැත්තෝ
යකැදුරකු විලස දුම්මල අත ගත්තෝ
මොනවද කරන්නේ නොදැනෙයි බුදු සන්තෝ
දෙනවද බලය අඩු කෙරුමට විදුලි මිල
මතකද කතා එදවස හද සිසිල කළ
ජනයට විමුක්තිය ලැබෙනා අයුරු බල
අද – හෙට නගී ඉහළට නව විදුලි බිල
නන්දන ශ්රී දොරකුඹුර
