අටමස්ථානාධිපති අතිපූජ්‍ය පල්ලේගම හේමරතන නාහිමියන් පැවිදි දිවියේ පනස්පස් වසර සපුරයි!

අටමස්ථානාධිපති අතිපූජ්‍ය පල්ලේගම හේමරතන නාහිමියන්ගේ පැවිදි දිවියට ඉකුත් වෙසක් පුන් පොහෝ දිනයට වසර පනස් පහක් සපිරිණ.

උන්වහන්සේ 1968 වෙසක් මස 09 වනදා රජරට පින් බිමේ බෝ මළුවේදී පැවිදි දිවියට පත්වූහ.

11වෙනි අටමස්ථානාධිපති නායක ස්වාමින්වහන්සේ ලෙස පත්වන පූජ්‍ය පල්ලේගම හේමරතන නාහිමිපාණෝ දිස්ත්‍රික්කයේ වගපනාපල්ලේසිය පත්තුව දඹුල්ල පල්ලේගම ග්‍රාමයේදී 1954 ජුනි 15 වනදා උපත ලැබීය .

දඹුල්ල බුලාගල ප්‍රාථමික විද්‍යාලය , පැල්වෙහෙර කනිටු විද්‍යාලය හා කණ්ඩලම පල්ලේගම ශ්‍රී සිද්ධාර්ථ මහා විද්‍යාලය යන පාසල් වලින් මුලික අධ්‍යාපනය ලබා අනුරාධපුර ජයශ්‍රිමා මහබෝධි විහාරයට පැමිණ 1968 මැයි 09 වැනිදා ජය ශ්‍රී මහා බෝධීන් වහන්සේ අභියස දී පැවිදි දිවියට ඇතුලත් වූහ.

1975 මැයි 06 වැනිදා මහනුවර මල්වතු විහාරයේ දී මහා සංඝයා ඉදිරියේදි කෝටියක් සංවරශිලය හෙත් උපසම්පදාව ලැබිය.

උන්වහන්සේ අනුරාධපුර මහා විහාර පිරිවෙණ , කොලඹ මාලිගාකන්ද විද්යෝධය යන පිරිවෙන් වලින් පැවිදි අධ්‍යාපනය ලබා ඇත. අනතුරුව කැලණිය විශ්වවිද්‍යාලටය ඇතුලත්ව පුරාවිද්‍යාව පිළිබදව විශේෂවේදී උපාධිය සමත්වන උන්වහන්සේ .

නැවැත අනුරාධපුරයට වැඩම කොට  ජය ශ්‍රී මහා බෝධින් වහන්සේ ගේ තේවා කටයුතු භාරව 1977 සිට 88 දක්වා වසර නවයක් අඛණ්ව කටයුතු කලේ මහත් භක්තතියෙන් යුතුවය.

එසේම , 1982 සිට 97 දක්වා මහා විහාර පිරිවෙනෙහි ආචාර්යවරයෙකු හා පරිවේණාධිපති වහන්සේ ලෙස කටයුතු කිරීම තුලින් බුද්ධිමත් සංඝයා වන්සේලා මෙන්ම දැයට දායාද , 1988 සිට ජේතවනාරාම විහාරාධිකාරී ලෙස කටයුතු කිරීම , 1995 වසරේ දී නුවරකලාවිය උප ප්‍රධාන සංඝනායක පදවිය ලැබීම , 1995 සිට අටමස්ථාන කාරක සභාවේ සාමාජිකත්වය දැරීම , 1997 දී රුවන් වැලි මහා සෑයේ විහාරාධිකාරී ධුරයට හා නුවර කලාවිය ප්‍රධාන සංඝනායක පදවියට පත්වීම සිදුවිය උන්පවහන්දසේ කුමණ පදවියට පත්විවුවද බුදුරජුන් වදාල පරිද්දෙන්ම ලාභ අලාභ ආදිවු අටලෝ දහමින් අකමිපිතව තමන්ට ලැබුණු තාන්නමාන්න තණතුරු බැබලුවා මිස උන්වහන්සේ ඉන් බැබලිම නොකර බුදුසසුනේ චිරස්ථියට දිව් හිමියෙන් කටයුතු කලේය.