දිට්වා සුළි කුණාටුවෙන් විපතට පත් ජනතාවට සහන සැලසීම අරමුණු කර ගෙන විපක්ෂ නායක සජිත් ප්රේමදාස මහතා විසින් අද කොළඹ පිහිටි විපක්ෂ නායක කාර්යාලයේ දී මෙරට ඔස්ට්රේලියානු මහකොමසාරිස් Mathew Duckworth මහතා මුණ ගැසුණි.Sri Lanka Latest News
එහි දී දෙපාර්ශ්වය අතර ශ්රී ලංකාවේ වත්මන් තත්ත්වය සම්බන්ධයෙන් අදහස් රැසක් හුවමාරු විය. එහි දී විපක්ෂ නායක සජිත් ප්රේමදාස මහතා විසින් සුළි කුණාටුව සමග ඇති වූ ආපදා තත්ත්වය නිසා ව්යාපාර බිඳ වැටීම, ජන ජීවිත කඩා වැටිම, යටිතල පහසුකම් රැසක් විනාශ වීම සිදු වූ බව පැවසීය. එකී යටිතල පහසුකම් නැවත ස්ථාපිත කර ජන ජීවිත යථා තත්ත්වයට පත් කිරීමට සහයෝගය ලබා දෙන ලෙස ඔස්ට්රේලියානු මහකොමසාරිිස්වරයාගෙන් ගෞරවයෙන් ඉල්ලා සිටියේය.
එසේම මේ අවස්ථාවෙ අප රට වෙනුවෙන් ඔස්ට්රේලියානු ජනරජය විසින් ලබාදුන් ආධාර සහ සහන සේවා වෙනුවෙන් ද සමස්ත ශ්රී ලාංකිකයන් වෙනුවෙන් සිය ස්තූතිය ඔස්ට්රේලියානු රජය සහ ජනතාව වෙත පිරිනැමීමට විපක්ෂ නායක සජිත් ප්රේමදාස මහතා මෙහි දි කටයුතු කළේය.
