වත්මන් ආර්ථික අර්බුදයත් සමග උද්ගතවෙමින් ඇති ආහාර හිඟය නිසා දරුවන්ගේ මන්දපෝෂණය සීඝ්ර ලෙස වැඩිවෙමින් පවතින බව ළමා රෝග පිළිබඳ විශේෂඥ වෛද්ය දීපාල් පෙරේරා මහතා පවසනවා.
කොළඹ රිජ්වේ ආර්යා ළමා රෝහලට පසුගිය දින කිහිපයේදී ඇතුළත් කෙරුණු දරුවන් 53 නෙකුගෙන් 11 දෙනකු මන්දපෝෂණයෙන් පෙළෙන බවයි ඔහු සඳහන් කළේ.
වාට්ටුවට ඇතුළත් ඇතුළත් කෙරෙන දරුවන්ගෙන් 20%කට පමණ මන්දපෝෂණ ලක්ෂණ පෙන්නුම් කෙරෙන බවද කී විශේෂඥ වෛද්යවරයා සඳහන් කළේ මේ තත්වය වළක්වා ගැනීම සඳහා මවුපියන් ගෙවතු වගාවට වැඩි වැඩියෙන් යොමුවිය යුතු බවත්, කෙටිකාලීනව ඵලදාව ලැබෙන මඤ්ඤොක්කා වැනි භෝග වගාවන් කෙරෙහි විශේෂ අවධානය යොමුකළ යුතු බවයි.
