නාවලපිටිය ආසනයේ තමන් විසින් ජනතාව අතර අක්කර 325ක රජයේ ඉඩම් අක්කර භාගය බැගින් බෙදා දී ඇති බව හිටපු අමාත්ය මහින්දානන්ද අලුත්ගමගේ මහතා සදහන් කරනවා.
ඒ සම්බන්ධයෙන් හෙතෙම තබා තිබූ ෆේස්බුක් සටහන මෙසේයි.
1990 දශකයේදී මා විසින් නාවලපිටිය ආසනයේ මල්ගොල්ල ප්රදේශයේ පවුල් 750කට අක්කර භාගය බැගින් වූ ඉඩම් බෙදා දීමට කටයුතු කළා.
අදාල පවුල් මේ වන විට එම ඉඩම් වල වගා කරමින් ඒවා භුක්ති විදින නමුත් සියලුම ඉඩම් හිමියන්ට ස්ථිර ඔප්පු ලබා දීමට ඉඩම් ප්රතිසංස්කරණ බලමණ්ඩලය කටයුතු කර තිබුණේ නැහැ.
එම ස්ථිර ඔප්පු හිමි නොවූ ඉඩම් හිමි පවුල් වල සාමාජිකයන් හා ඉඩම් ප්රතිසංස්කරණ බලමණ්ඩලයේ නිලධාරීන් අතර සාකච්ඡාවක් ඊයේ (29) මාගේ ප්රධානත්වයෙන් පැවැත්වුනා.
වසර 20කට අධික කාලයක් පුරාවට ස්ථිර ඔප්පු හිමිව නොතිබූ මෙම ජනතාවට කඩිනමින් අදාල ඉඩම් සදහා ස්ථිර ඔප්පු ලබා දීමට මම පැමිණ සිටි නිලධාරීන්ට උපදෙස් ලබා දුන්නා.
ඒ අනුව මාස දෙකක් ඇතුලත අදාල ඉඩම් සදහා ස්ථිර ඔප්පු ලබා දීමට මෙම සාකච්ඡාවේදී තීරණය වුනා.
මල්ගොල්ල ප්රජා ශාලාවේදී පැවති මෙම සාකච්ඡාව සදහා ඉඩම් ප්රතිසංස්කරණ බලමණ්ඩලයේ මහනුවර අධ්යක්ෂකතුමන් ඇතුලු නිලධාරීන් එක්ව සිටියා.
