කාලෙකට පස්සේ ශ්රී ලංකාවේ ජාතික ගීය ගැන හැමෝම කතාවෙන දවසක් ඇවිල්ලා. ඇත්තටම ශ්රී ලංකාවේ ජාතික ගීය ගැන විවිධ අවස්ථාවල විවිධ හැඩයෙන් කතා වුණා. හැබැයි ඒ කතාවෙච්ච හැම තැනකදීම අපි කතා වුණේ ජාතික ගීයේ අඩුපාඩුවක් ගැන, ප්රශ්නයක් ගැන, ගායනය කිරීමේ ගැටලුවක් ගැන, ගායනා කරද්දී වචන වෙනස් වෙච්ච එකක් ගැන, හඬ වෙනස් වෙච්ච එකක් ගැන, ගායනා කරනකොට තාලය වෙනස් කරපු එකක් ගැන, නැත්නම් සිංහල භාෂාවෙන් වෙනුවට තවත් භාෂාවකින් ගායනා කිරීමේ ගැටලුව ගැන. අපි කිසිම තැනකදී ශ්රී ලංකාවේ ජාතික ගීය ගායනා කරනකොට කතා කළේ නැහැ, එහි ඇති වටිනාකම ගැන. එහි ඇති රසවත්කම ගැන, ජාතික ගීයේ වචනවල තියෙන අර්ථය ගැන.Sri Lanka Latest News
ජාතික ගීය ලියන්නේ ආනන්ද සමරකෝන්. සමහරු කියනවා ආනන්ද සමරකෝන් සියදිවි නසාගත්තා කියලා. ජාතික ගීයේ පද වෙනස් කරලා, ජාතික ගීයේ හැඩය වෙනස් කරලා, යම් යම් කොටස් මේකට එකතු කිරීම නිසා ඔහුගේ හිත රිදුණා කියලා. ඒකේ සමහර දේවල් ගැන ලියුම්කරුට අවබෝධයක් නැහැ. හැබැයි, ජාතික ගීය මේ වතාවේ මේ විදිහට කතා කරන්නේ නුවන්දිකා නිසා. නුවන්දිකා සේනාරත්න, කාන්තා ලෝක කුසලාන තරගාවලියේදී ශ්රී ලංකාව සහ ඉන්දියාව අතර ආරම්භ වුණු පළමු තරගයේදී ජාතික ගීය ගායනා කළා. ඇයත් සමග අනිත් පැත්තෙන් ඉන්දියානු ජාතික ගීය ගායනා කළේ ශ්රේයා ගෝෂාල්. ශ්රේයා ගෝෂාල් කියලා කියන්නේ ඉන්දියාවේ රියැලිටි ජයග්රහණයකින් පස්සේ ලතා මංගේෂ්කාර් විසින්ම මගේ අනුප්රාප්තිකාව ඇයයි කියලා හඳුන්වා දුන්න විශිෂ්ට ගායිකාවක්. අද වෙද්දී ඇයට ඒ තැන ඒ රට ඇතුළේ ලැබිලා තියෙනවා. ඈ විශිෂ්ටත්වයෙන් විශිෂ්ටත්වයට පත්වෙමින් මුළු ලෝකයේම ආකර්ෂණය දිනා ගන්නා ගායිකාවක් බවට පත්වෙලා. අපි පවා ශ්රේයාව දන්නවා.
දැන් නුවන්දිකා ඇයත් සමග එකතු වෙලා ශ්රී ලංකාවේ ජාතික ගීය ගායනා කළා. ජාතික ගීයේ තියෙන මිහිරි බව, ජාතික ගීයේ තියෙන රසවත් බව, ජාතික ගීයේ තියෙන අභිමානවත් බව නුවන්දිකා ලෝකෙට කිව්වා. ජාතික ගීයක තියෙන්න ඕනේ අභිමානය, අපේ ජාතික ගීයේ තියෙන බව අපිට සමහර විට පළමුවැනි වතාවට මතක් වෙන්නේ අද. ඒක අපේ ලොකු අඩුපාඩුවක්. අපි දැක්කා ඉන්දියානු කණ්ඩායම ආසියානු කුසලානයේදී ජාතික ගීය ගායනා කරද්දී හැසිරෙන හැටි. ඇස් දෙක පියාගෙන, පපුවට අත තියාගෙන, සියලු දෙනාම ජාතික ගීය මුමුණමින්, ජාතික ගීයට සහ තමන්ගේ රාජ්යයට ගෞරව දැක්වූවා. හැබැයි අපි ටිකක් මේ වැඩේදී පස්ස ගහනවා. අපිට ජාතික ගීයේ තියෙන වටිනාකම පිළිබඳ සාකච්ඡා කරනවට වැඩිය, සාකච්ඡා තිබුණේ ජාතික ගීය වෙනස් කරන්න, ජාතික ගීයේ වචන වෙනස් කරන්න, ජාතික ගීය වෙනුවට වෙනත් ජාතික ගීයක් හඳුන්වා දෙන්න. මේක දිග වැඩියි, මේකේ අරක අඩුයි, මේකේ අරක වැඩියි. මේවා තමයි අපි කිව්වේ.
හැබැයි දැන් ජාතික ගීය ගැන ඇතිවෙන්නේ මීට වඩා රස, මීට වඩා නිර්මාණශීලී කතාබහක්. නුවන්දිකා ගැන මුළු රටම අද කතා කරනවා. නුවන්දිකා කියලා කියන්නේ, දෙරණ ඩී්රම් ස්ටාර් හරහා ලෝකෙට ආපු ගායිකාවක්. ඈ විශ්වවිද්යාල අධ්යාපනය ලබපු දක්ෂ ශිෂ්යාවක්. සෞන්දර්ය විශ්වවිද්යාලයේ සහ කැලණිය විශ්වවිද්යාලයේ උපාධි හදාරමින් අධ්යාපනය ලබපු කෙනෙක්. ඇයට දෙරණ ඩී්රම් ස්ටාර් තරගයේ පළමු ස්ථානය ලබාගන්න බැරිවෙනවා අපි දන්නා තරමට. නමුත් ඈ යම් ජයග්රහණයක් ලබාගන්නවා මෙහිදී. ඈ, ඒ ජයග්රහණයෙන් ඩී්රම් ස්ටාර් තරගයට පවා සාධාරණයක් ඉෂ්ට කරමින් මේ වතාවේ ඇගේ විශිෂ්ටත්වය ලෝකය ඉදිරියේ ප්රදර්ශනය කළා.
ඈ එහිදී ප්රදර්ශනය කළේ ඇගේ විශිෂ්ටත්වය පමණක් නෙමෙයි. ඈ ඒහිදී ප්රදර්ශනය කළේ කාලෙකට පස්සේ අපිට අමතක වෙලා ගිය ආනන්ද සමරකෝන් කියන අතිවිශිෂ්ට කලාකරුවාගේ විශිෂ්ටත්වය. ඈ එහිදී ලෝකෙට කිව්වේ මේ ජාතික ගීයේ තියෙන අභිමානය. ඔව්, දැන් කිසිවෙක් ජාතික ගීය වෙනස් කරන්න කතාකරන එකක් නැහැ.
අපිට මතකයි පහුගිය කාලේ ගායිකාවක් කොහෙදෝ තැනක ජාතික ගීය ගායනා කරලා මොකක්ද මම දන්නේ නෑ, විශාල පටලැවිල්ලක් නිර්මාණය කරපු හැටි. මේ විදිහට ජාතික ගීය ගායනා කරද්දී, ජාතික ගීයේ වචනවල අර්ථය ගායනා කරන එක, සංගීතය රසවත්ව ගායනා කරන එක සමහර වෙලාවට අපි දැක්කේ නැහැ. ඒ නිසයි අපිට ජාතික ගීය අඩුපාඩු සහිතව පේන්න පටන් ගත්තේ. නමුත්, ශ්රේයා ගෝෂාල් ගායනා කරපු ඉන්දියානු ජාතික ගීය තරම්ම අපේ ජාතික ගීය අපේ හදවතට, පපුවට, ඇඟට, හිතට දැනෙන තැනට ගෙනාපු නුවන්දිකාට ස්තුතියි.
නුවන්දිකා විශිෂ්ටත්වයෙන් විශිෂ්ටත්වයට පත්වෙන ගායිකාවක් බවට දැන් අනාවැකි කියනවා. සමහර ගායිකාවන් වගේ ප්රසංග වේදිකාවල දුවමින් පනිමින්, ඔළුවෙන් හිට ගනිමින් කෝටි ගණන් හම්බ නොකරන, ලෝකයම තමන්ව වැලඳගත් බව කියමින් නිරුවත් ෆොටෝ ෂූට් නොකළට, නුවන්දිකා කියලා කියන්නේ අපේ හදවතේ ගායිකාව බවට පත්වෙන දවස වැඩි ඈතක නොවන බවයි මේ ජාතික ගීය ඇතුළේ අපිට හැඟුණේ, දැනුණේ. අපිත් ආයෙත් කියමු, ශ්රී ලංකා මාතා. අපිට දැනෙනවා ශ්රී ලංකා මාතා, අපිට ඇහෙනවා ශ්රී ලංකා මාතා, අපිට හැඟෙනවා ශ්රී ලංකා මාතා.
ජීවන පහන් තිළිණ
