ඉන්දීය ක්රිකට් කණ්ඩායමේ නායක විරාත් කෝලිගේ සහ බොලිවුඩ් නළු අනුෂ්කා ෂර්මාගේ දියණියට අන්තර්ජාලයෙන් දූෂණ තර්ජන සම්බන්ධයෙන් වහාම පරීක්ෂණයක් ආරම්භ කරනලෙසට දිල්ලි කාන්තා කොමිසම දිල්ලි පොලිසියට නොතීසි නිකුත් කර ඇත.
මාස නවයක් වයසැති කෝලිගේ දරුවාට ට්විටර් හරහා තර්ජනය කර ඇති ආකාරය “ඉතා ලැජ්ජා සහගත” බව එහි සභාපති ස්වාති මලිවාල් ට්විටර් පණිවුඩයක් නිකුත් කරමින්, සදහන් කොට තිබේ.
“කණ්ඩායම දහස් වාරයක් අපිව ආඩම්බරයට පත් කළා, පරාජයෙන් පසු ඇයි මේ මෝඩකම්,” යනුවෙන් මලිවාල් මහත්මිය පවසා ඇත.
“කිසිදු චුදිතයෙකු අත්අඩංගුවට ගෙන නොමැති නම්, කරුණාකර චූදිතයන් අත්අඩංගුවට ගැනීමට දිල්ලි පොලිසිය විසින් ගෙන ඇති පියවර පිළිබඳ විස්තර සපයන්න” යනුවෙන් ඇය විසින් යවන ලද නොතීසියේ සඳහන් වේ.
#NewsAlert | Delhi Commission for Women takes suo moto cognizance on media reports of threats given to the family of Indian cricket captain Virat Kohli. pic.twitter.com/YV9Mk58XTW
— NDTV (@ndtv) November 2, 2021
