කටුනායක ගුවන් තොටුපළේ ආගමන විගමන නිලධාරින් සේද මාවත, මගී නිශ්කාශන කටයුතුවලින් ඉවත්ව තිබේ.
ශ්රී ලංකා ආගමන විගමන නිලධාරින්ගේ සංගමයේ සභාපති කේ.ඒ.ඒ.එස්. කණුගල මහතා පැවසුවේ, චෝදනාවට ලක් වූ හිටපු දේශපාලන ප්රභූවරුන් විශාල වශයෙන් රටින් පිටවීමට මෙම සේද මාවත නිශ්කාශන පර්යන්තය භාවිත කිරීමට ඉඩකඩ ඇති නිසා තමන් මෙම පියවර ගත් බවයි.
පසුගිය ජුනි මස 06 වෙනිදා සිට 20 වෙනිදා දක්වා මෙරට පැවති හර්තාල් සමය තුළ ද කටුනායක බණ්ඩාරනායක ජාත්යන්තර ගුවන් තොටුපළ තුළ ‘සේද මාවත (Silk Route)’ රාජකාරී කටයුතු වලින් ශ්රී ලංකා ආගමන විගමන දෙපාර්තමේන්තු නිලධාරීන් ඉවත් වී සිටීමට පියවර ගෙන තිබිණ.
