1992 සෝවියට් දේශය බිඳවැටීමත් සමග ලංකාවේ දේශපාලනයේ මහා ආන්දෝලනයක් ඇති විය. එයට හේතුව සෝවියට් දේශයේ ඔත්තු සේවය වන KGB ඔත්තු සේවයේ ෆයිල් එළියට ඇවිත් KGB ලංකාවේ දේශපාලනඥයන්ට අරමුදල් දුන් හැටි අනාවරණ විය. එවක KGB ප්රධානියා වූ Vladimir Dryukov එවක සෝවියට් ජනාධිපති Mikhail Gorbachev ට ලංකාවේ විපක්ෂය වන ශ්රී ලංකා නිදහස් පක්ෂයට අරමුදල් දීම සම්බන්ධ ලිපියක් මාධ්ය හරහා ලීක් වී තිබිණි. එම ලියුමෙන් KGB ප්රධානියා සඳහන් කර ඇත්තේ 1989 මහ මැතිවරණයේදී ශ්රීලනිපයට ආසන දිනන්න අට වතාවකට වඩා රහසිගත අරමුදල් සපයා දුන් බවය. Sri Lanka Latest News
1992දී KGB අරමුදල් සපයපු ලංකාවේ දේශපාලනඥයන්ගේ නම් ලැයිස්තුව රාජ්ය මාධ්යවල පළවිය. ඒ අතර විපක්ෂ නායක බණ්ඩාරනායක මහත්මියගේ නමද විය. ඇය එම චෝදනාව ප්රතික්ෂේප කළාය. KGB ප්රධානියා Gorbachev ට ලියපු ලිපියේ සඳහන් වන්නේ ශ්රීලනිපයට පමණක් නොව ආණ්ඩු බලය හිමි එක්සත් ජාතික පක්ෂයේ සෝවියට් හිතවාදී දේශපාලනඥයන්ටද අරමුදල් දුන් බවය. ඔහු තවදුරටත් එම ලිපියේ සඳහන් කරන්නේ විපක්ෂ නායකයා බණ්ඩාරනායක මහත්මිය KGB අරමුදල්වලට ස්තුති කරමින් තම පක්ෂයෙන් තේරී පත්වන පාර්ලිමේන්තු මන්ත්රීවරුන් හරහා යූ.ඇන්.පී. ආණ්ඩුවේ බටහිර හිතවාදී විදේශ ප්රතිපත්තියට බාධා කිරීමට බලපෑම් කරන බව සහතික වී ඇති බවය. එවක බලයේ සිටි ප්රේමදාස ආණ්ඩුව මෙම ලිපිය ප්රයෝජනයට ගෙන විපක්ෂයට දැඩි ප්රහාරයක් එල්ල කරනු ලැබීය. Gorbachev ගේ ප්රතිපත්තිය නියා KGB ඔත්තු සේවය සහ එම ඔත්තු සේවය මත යැපෙමින් සෝවියට් දේශය වෙනුවෙන් පෙනීසිටි දේශපාලනඥයන් අසරණ තත්ත්වයට පත්විය.
1992 ලංකාවේ දේශපාලනයේ සිදුවූ මේ පෙරළියට දැන් ඇමෙරිකාවේ US Aid ෆයිල් මුල් කරගෙන සිදුවෙමින් තිබේ. ශ්රී ලංකාව ඇතුළු රටවල් කිහිපයක දේශපාලන අස්ථාවරත්වය ඇතිකරන්න US Aid මුදල් දී ඇති බව ට්රම්ප් සිය ට්විටර් පණිවුඩයේ සඳහන් කොට ඇත. පොදුජන පෙරමුණ කියන්නේ ගෝඨාගේ ආණ්ඩුවට එරෙහිව අරගලය කරන්න ඇමෙරිකාව සල්ලි දුන් බව ට්රම්ප්ගේ ට්විටර් පණිවුඩයෙන් ඔප්පු වන බවය. විමල් වීරවංශ අරගලය කාලයේ සිටම පැවැසුවේ අරගලය පිටුපස ඇමෙරිකාව සිටින බවය. මේ වනවිට US Aid ආධාර ලබපු ලංකාවේ දේශපාලනඥයන්ගේ නම් ලැයිස්තුවක්ද සමාජ මාධ්ය තුළ සංසරණය වෙමින් තිබේ. නාමල් රාජපක්ෂ US Aid මුදල් ලංකාවේ වියදම් කළ හැටි හොයන්න පරීක්ෂණයක් පවත්වන ලෙස ඉල්ලා තිබේ.
1992 Gorbachev රුසියාවේ KGB ඔත්තු සේවය ලැජ්ජාවට පත්කළා සේ ට්රම්ප් US Aid ලැජ්ජාවට පත්කොට තිබේ. ඇමෙරිකාව වෙනුවෙන් පෙනීසිටින්න US Aid ආධාර ලබපු දේශපාලනඥයන්ද ඉන්නේ අසරණ වෙලාය. ට්රම්ප් Gorbachev ගේ අවතාරයක්දැයි කියා සැකයක් පවතී.
