රජයේ ඉහළ තනතුරුවලට පුද්ගලයන් පත්කිරීමේදී ජනාධිපතිවරයාට ඇති බලය සීමා කිරීමට පිහිටුවනු ලැබූ ස්වාධින ආයතනයක් වන ව්යවස්ථාදායක සභාවේ සංයුතිය වෙනස් කිරීමට ආණ්ඩුව සූදානම් වුවහොත් ඊට එරෙහිව දැඩි ක්රියාමාර්ග ගැනීමට සමගි ජන බලවේගය ප්රමුඛ විපක්ෂය තීන්දු කොට ඇත. Sri Lanka Latest News
පසුගිය සතියේදී ඇතැම් මාධ්ය වාර්තා කොට තිබුණේ ජනාධිපතිවරයා විසින් ඉහළ තනතුරු සඳහා කළ නිර්දේශයන් අවස්ථා දෙකකදීම ප්රතික්ෂේප කිරීමට ව්යවස්ථාදායක සභාව පියවර ගෙන තිබූ පසුබිමක එහි සංයුතිය වෙනස් කිරීමේ සූදානමකින් ආණ්ඩුව පසුවනවා යැයි කියාය.
එවැන්නකට කිසිසේත්ම ඉඩ නොතබන බවත්, ආණ්ඩුව එවැන්නක් කිරීමට උත්සාහ කළහොත් ආණ්ඩුවට එරෙහිව දැවැන්ත විරෝධයක් පළකිරීමට කටයුතු කරන බවත් විපක්ෂයේ නියෝජිතයෝ සඳහන් කර සිටිති.
එය ජාතික සහ ජාත්යන්තර වශයෙන් සිදුකිරීමට විපක්ෂය කටයුතු කරන බවද ඔවුහු අවධාරණය කර සිටිති.
ව්යවස්ථාදායක සභාව පිහිටුවද්දී ඊට පක්ෂව අදහස් දැක්වූ ජවිපෙ ප්රමුඛ පක්ෂයක් බලයේ සිටියදී මෙවැනි ප්රජාතන්ත්ර විරෝධී කටයුතු කිරීමට උත්සාහ දරන්නේ නම් එය කනගාටුවට කරුණක් බවද ඔවුහු පෙන්වා දෙති.
