සංගීත අධ්යක්ෂවරයකු සේම දක්ෂ වයලීන වාදයකයකුද වන දිනේෂ් සුබසිංහ මහතා, තමන් ජීවිතයේ අත්විඳි කටුක අත්දැකීම් ජයගත් ආකාරය ගැන යූටියුබ් නාලිකාවක් සමග පැවැති සම්මුඛ සාකච්ඡාවකදී මෙලෙස අදහස් දක්වා තිබුණා. Sri Lanka Latest News
‘මම දැනට අවුරුදු හතහමාරක් ඒරාෂ්ටකයක් ගෙවලා ඉවරයි. හැබැයි විෂ්ණු දෙවියො බටකොළ කෑවා. වේදයේ තියෙනවා විෂ්ණු දෙවියෝ කියනවලු මට ඒරාෂ්ටකය බලපාන්නේ නෑ, මම යනවා කැලේකට වෙලා ඉන්නවා කියලා. කැලේකට වෙලා අවුරුදු ගාන ඉඳලා විෂ්ණු දෙවියෝ දේව සභාවට ඇවිල්ලා කියනවා බලන්න මට ඒරාෂ්ටකය බලපෑවේ නෑ කියලා. එතකොට දේව සභාව කියනවලු මෙච්චර ගරු බුහුමන් ලබන, මෙච්චර දුම් පූජා ලබන ඔබවහන්සේ කැලේකට වෙලා බටකොළ කාපු ටිකම මදිද කියලා. ඉතින් ඒ කියන්නේ ඒරාෂ්ටකය කියන්නේ මේවා මිනිස්සු කියනවා විහිළු කියලා. විහිළු නෙමෙයි. මිනිස්සු කරපු හොඳට ලැබෙන සැප ප්රමාණයක් තියෙනවා, ඒ වගේම මිනිස්සු කරපු පවුවලට ගෙවන්න කාලෙකුත් තියෙනවා. ඉතින් ඒ පවුවලට ගෙවන කාලයට තමයි ඒරාෂ්ටකය කියලා කියන්නේ.
දැන් මට ඕක තියෙද්දී මගේ මෙඩිටේටර් නියම කළා ෂෝස්වලට ගියොත් එයා ආශීර්වාද කරනවා. මගේ වෘත්තීය ජීවිතයටත් ආශීර්වාද කරනවා. මට අවශ්ය විදිහේ, ඒ අවශ්යම එනර්ජි එක ගන්න ඕනෙ විදිහේ තියෙන ප්රැක්ටිස් එකට ගන්න ඕනෙ සේරම මෙතඩ් එක දෙනවා. හැබැයි ජීවිතේ අනවශ්ය විදිහට විඳින්න එපා කියලා එයා මට කිව්වා. පැය හයක් හෝ පහක් මගේ පුස්තකාලය ඇතුළේ මම භාවනා කරන්න ඕනෙ. මම ගිහිල්ලා පබ්වල, ක්ලබ්වල ආතල් දාලා, මිනිස්සු එක්ක ෆන් අරන් එහෙම බෑ. ප්ලේ කරා ගෙදර ආවා. ප්ලේ කරා ගෙදර ආවා. ඇකඩමිකලි මොකක් හරි ටුවර් එකක් ගියොත් සොබාදහම පොඩ්ඩක් එන්ජෝයි කරන්න පුළුවන්. හැබැයි අදාළ වෙලාවේදී කාමරේට යන්න ඕනේ. අනවශ්ය විදිහට ලෝකේ විඳින්න බෑ. මොකද ඔයාට අවුරුදු හතහමාරක් යන්නේ පවට ගෙවන්න කාලයක්. පවට ගෙවන්න කාලයක් යනවා කියන්නේ සොබාදහම තමාගේ ඇඟේ තියෙන ශක්තියෙන් 80%ක් අයින් කරනවා. එතකොට තමාව අනිත් මිනිහට පේන්නේ පැරණි දිනේෂ් සුබසිංහ විදියට නෙවෙයි දිරවන්නේ නැති චරිතයක් විදියට. ඇයි, සොබාදහම ඒ වෙලාවට එයාට යථාර්ථය උගන්වනවා. ධර්මය උගන්වනවා. මිනිස්සු තනිවෙච්ච දවසට තමයි ධර්මය ඉගෙන ගන්නේ. හොඳට බලන්න මිනිස්සුන්ට භාවනා කරන්න, ධර්මයට යන්න ඕනෙ වෙන්නේ ඔක්කොම ව්යාපාර කැඩිලා විනාශ වෙලා ගිය දවසට තමයි. එතකොට එයාට ධර්මය මතක් වෙනවා. හැබැයි ආයෙ ටික කාලෙකින් රෙස්ටෝර් කරන්න එයාගේ පරණ ටික, පරණ සතාව තමයි.
අපේ හොඳම චරිත අරන් බලන්න. ලස්සනට ඇවිල්ලා අනවශ්ය තැන්වල අපහාස කතා කියලා හිරේ ගිහිල්ලා, එක එක වීඩියෝ ලීක් වෙලා, ලංකාවට කීර්තිය ගෙනාපු මිනිස්සු කීදෙනෙක් අපකීර්තියට පත්වෙනවද? මේ කාලවකවානුවේ එහෙම වෙනවා. ඒ කියන්නේ තමාට පවක් ගෙවන්න තියෙන කාලේ සෙල්ලම් කරන්න එපා. ඒකෙදි පුළුවන් තරම් ධාර්මික දේවල් කරගෙන සිහිය තියාගෙන, ෆෝකස් එක තියාගන්න. බුදුහාමුදුරුවොත් කියන්නේ සිහිය හරියට තියාගෙන යන මිනිහට සෑහෙන දේවල් පන්නන්න පුළුවන්. ඉතින් මම ඒකෙන් අවුරුදු හතහමාරක් ගියා. මම මම බටකොළ කෑවේ නෑ. දැන් මගේ පැරණි අවුරුදු හතහමාර අරන් බලන්න. ‘ටෝන් පොයම්’ කළා. ‘ඉමොරිස් ටියුන්ස්’ කළා, ‘බයිලා සාදය’ කළා. සම්මාන දහයක් පහළොවක් ගත්තා. රටවල් 25ක 30ක ගිහිල්ලා තියෙනවා. ජාතික මට්ටමේ පුද්ගලයෝ එක්ක ගනුදෙනු කරලා තියෙනවා. හොඳ නිර්මාණ ටිකකුත් කරලා තියෙනවා. මිනිස්සුන්ගේ ආදරෙත් තියෙනවා. මිනිස්සු මට ලේසියකට ඔය අන්තර්ජාලයේ වුණත් බණින්නේ නැහැ. කමෙන්ට් 1000ක් අස්සේ ඕනෙ නම් දෙන්නෙක් බණියි. ඉතින් මම හිතනවා ඒ ගුරුවරයා දීපු ආශීර්වාදයයි, මගේ විනය සහ ප්රැක්ටිස් එකත් එක්ක ඒ කාලේ පන්නන්න මට පුළුවන් වුණා කියලා. හැබැයි ඒක මම ක්රෙඩිට් එකක් විදිහට කියන්නේ මේ අවුරුදු මිලියන ගානක් ලෝකේ තියෙන සබ්ජෙක්ට්වලට අපහාස කරන්න එපා. ඒවා ගොඩක් ශාස්තෘවරු අවුරුදු දහස් ගාණක් ධ්යාන ලබමින් ආපු අය තමයි මේවා හැදුවේ.
ජේසුස් වහන්සේ ගවලෙනේ උප්පත්තිය සමරනකොට වල්ගා තරුවක් පායනවා. කිතුනු සභාව ජ්යොතිෂ්ය ප්රතික්ෂේප කළාට ජේසුස් වහන්සේගේ උප්පත්තියේ අනාවැකිය දුන්නේ ජනවාරි හයවැනිදා මංගල්ය තිබ්බේ ජ්යොතිෂ්යය. එතකොට සමහර බොරුකාරයෝ හන්දිවල බෝඩ් ගහලා මේ ශාස්ත්රවලින් හම්බ කළාට මේ සබ්ජෙක්ට් බොරු නෙවෙයි. මේවා ඇතුළේ තියෙන්නේ ලොකු යථාර්ථයක්. ඒවා හරියට කරනවා කියන්නේ තව මිනිහෙක් රිද්දන කලාවෙන් අයින් වෙන්න පුළුවන්. තව මිනිහෙක් රිද්දපුවම තමයි අපිට රිටර්න් එකේ අපේ රිදිල්ල එන්නේ. ඉතින් ඒක ලෝකෙටම මම හිතනවා අත්යාවශ්යයි. තව මිනිහෙක් රිදවන කලාවෙන් අයින් වෙලා තමයි අපි ගමන යන්න ඕනේ….’
(MirrorArts ටික්ටොක් ගිණුමෙනි)
