හරක් කටා උප පොලිස් පරීක්ෂකවරයකුගේ (SI) ගිනි අවිය පැහැර ගැනීමට පොර බදා CIDය ඇතුළේ යකා නටා ඇති බව වාර්තා වේ. Sri Lanka Latest News
ඒ සඳහා පොලිස් කොස්තාපල්වරයකුගේ සහාය ලැබී ඇති අතර මේ වන විට අදාළ පොලිස් කොස්තාපල්වරයා පැනගොස් ඇති බවද වැඩිදුරටත් වාර්තා වේ.
සංවිධානාත්මක අපරාධකරුවෙකු සහ මත්ද්රව්ය ජාවාරම්කරුවෙකු ලෙස සැලකෙන නඳුන් චින්තක (මිදිගම චින්තක) හෙවත් ‘හරක් කටා’ ප්රශ්න කිරීම සඳහා සැප්තැම්බර් (10) අපරාධ විමර්ශණ අංශය වෙත කැඳවා තිබිණි.
මෙහිදී හරක්කටාට උපකාර කල පොලිස් කොස්තාපල්වරයා තමා ගෙදරින් ගෙනා කිරිටොෆි බව පවසමින් එතැන සිටි පොලිස් නිලධාරීන්ට ලබා දී ඇති අතර ඉන් දෙදෙනෙකු මත්වී ඇති බව අභ්යන්තර ආරංචිමාර්ග පවසයි.
හරක්කටා ප්රශ්න කරමින් සිටියදී ඔහුගේ ඉල්ලීම පරිදි වැසිකිලියට රැගෙන ගොස් ඇති අතර දෙඅත් බැඳ තිබූ මාංචු ගලවා ඇත්තේ අදාල හරක්කටාට උදව් කල පොලිස් කොස්තාපල්වරයාය.එම කොස්තාපල්වරයා හරක්කටාගේ මාංචු ලිහිල් කර ඇති අතර නැවත එය අගුළු ලා නොතිබිණි. ප්රශ්නකිරීම් සදහා නැවතත් ගෙනඑන ලද හරක්කටා ටික වෙලාවකින් විශේෂ කාර්ය බලකායේ උපපොලිස් පරීක්ෂකගේ ඇගට පැන ඔහුගේ ආයුධය ලබා ගැනීමට උත්සාහ කර ඇති අතර එම උප පොලිස් පරීක්ෂකවරයා හරක්කටා සමග පොරබදා හරක්කටාව මෙල්ල කරගැනීමට සමත්ව ඇත.
කෙසේ නමුත් මේවන තෙක් හරක්කටාට පැනයාමට උදව් කිරිමට උත්සාහ කළ අදාළ පොලිස් කොස්තාපල්වරයා අතුරුදන්ව ඇති බවත් ඔහු සෙවීම සඳහා පොලිස් කණ්ඩායම් කිහිපයක් යොදවා ඇති බවත් වැඩිදුරටත් වාර්තා වේ.
විදේශ ගතව සිටි මෙරටට රැගෙන ආ නදුන් චින්තක නොහොත් හරක් කටා එදා පටන් ප්රශ්න කිරීම් සඳහා රැඳවුම් නියෝග මත රඳවා ඇත්තේ, අපරාධ පරීක්ෂණ දෙපාර්තමේන්තුව භාරයේය
