එක්සත් ජාතීන්ගේ මානව හිමිකම් පිළිබද මහකොමසාරි මිෂෙල් බැචලේගේ කාර්යාලය මගින් ශ්රී ලංකාවේ මානව හිමිකම් තත්ත්වය පිළිබදව සකස් කරන ලද විශේෂ වාර්තාව, අද දිනයේ දී ශ්රී ලංකා රජය වෙත ලබා දීමට නියමිත බව වාර්තා වේ.
මානවහිමිකම් මහකොමසාරිස්වරියගේ කාර්යාලය විසින් සකස් කර තිබෙන එම වාර්තාව සදහා උත්තර දීමට ලංකා රජයට සිකුරාදා දිනය තෙක් කල් ලැබේ.
2009 මැයි මාසයේ දී අවසන් වූ යුද්ධයේ දී ශ්රී ලංකාව විසින් සිදුකර ඇති බව කියන යුද අපරාධ පිළිබදව සොයා බැලීම සදහා, මානවහිමිකම් මහකොමසාරිස්වරිය වෙත නියෝග කරමින්, එක්සත් ජාතීන්ගේ මානව හිමිකම් කවුන්සිලය, පසුගිය වසරේ මාර්තු මාසයේ දී යෝජනාවක් සම්මත කරගත්තේ ය.
ඒ පිළිබදව මේ දක්වා තත්ත්වය, ලිඛිතව, මානව හිමිකම් කවුන්සිලයට වාර්තා කිරීමට මානව හිමිකම් මහකොමසාරිස්වරිය අපේකෂා කරන බව පැවසේ.
