සිය සමුගැනීමේ උත්සවයේදී සිදුව තිබූ යම් යම් සිදුවීමේ හේතුවෙන් හිටපු ජනාධිපති ලේකම් ආචාර්ය පී.බී. ජයසුන්දර මහතා දැඩි කලකිරීමට පත්ව සිටින බව වාර්තා වේ.
ජනාධිපති ලේකම් කාර්යාලයේ පැවැති මෙම උත්සවයට ජනාධිපතිවරයා, අගමැතිවරයා ඇතුලු මැතිඇමැතිවරුන් පැමිණෙනු ඇති බවට ජයසුන්දර මහතා සිතා සිටියත් ඒ කිසිවකුත් ඊට සහභාගී නොවීම මෙම කලකිරීමට හේතු වී ඇති බව පැවසේ.
ඒ අනුව විශ්රාම යාමෙන් පසු නිහඩ, විවේකී ජීවිතයක් ගත කිරීමට ජයසුන්දර මහතා කලින් ගෙන තිබූ තීන්දුව වෙනස් කිරීමට ඒ මහතා තීරණය කොට ඇති බව දැනගන්නට ඇත.
මෙම තත්ත්වය යටතේ විටින් විට මාධ්ය හමුවට පැමිණ අතීත රහස් හෙළිකිරීමට ජයසුන්දර මහතා තීරණය කර ඇති බවද වාර්තා වේ.
