බස්නාහිර පළාත ඇතුළු පළාත් ගණනාවක ඩෙංගු ව්යාප්තිය ශීඝ්රයෙන් ඉහළ යෑම නිසා මේ වනවිට හමුවී ඇති ඩෙංගු රෝගීන් සංඛ්යාව 78,800 ඉක්මවා ඇතැයි ජාතික ඩෙංගු මර්දන ඒකකයේ අධ්යක්ෂ වෛද්ය නලින් ආරියරත්න මහතා ‘මව්රට’ පැවැසීය. (Sri Lanka Latest News)
සබරගමුව පළාතෙන් හමුවූ ඩෙංගු රෝගීන් සංඛ්යාව 6,347කි. මියගිය සංඛ්යාව 46කි.
බස්නාහිර පළාතෙන් පමණක් ඩෙංගු රෝගීන් 36,572ක් සොයාගෙන ඇති අතර, කොළඹ නගර සීමාව තුළින් පමණක් වාර්තා වී ඇති ඩෙංගු රෝගීන් සංඛ්යාව 16,561ක් බවයි සඳහන් වන්නේ.
මෙම තත්ත්වය මහනුවර, ගාල්ල, ගම්පහ යන ප්රදේශවලටද බලපා ඇති අතර වෙනත් වසරවලට වඩා ඩෙංගු කීටයන් වර්ධනය වන ස්ථාන වැඩිවීම ගැන අවධානය යොමුකර එය මර්දනය කිරීමට සතියේ දිනයක් වෙන්කර ගන්නා ලෙසද වෛද්ය ආරියරත්න මහතා ආයතන ප්රධානීන්ගෙන් පාසල් ප්රධානීන්ගෙන් ඉල්ලීමක් කර ඇත.
මේ අතර යාපනය සහ මඩකළපුව දිස්ත්රික්කවලද ඩෙංගු මර්දනයක් සිදුවීමේ අවදානමක් ඇති හෙයින් එම ප්රදේශවලට කීට විද්යා සමීක්ෂණ කණ්ඩායම් දෙකක් කොළඹින් පිටත් කර යවන ලද බවද වෛද්ය නලින් ආරියරත්න මහතා පැවැසීය.
මධ්යම පළාතෙන් හමුවී ඇති ඩෙංගු රෝගීන් සංඛ්යාව 9,839ක් වන අතර, වයඹ ප්රදේශයෙන් පුද්ගලයන් 6,782ක් හමුවී ඇති බව සඳහන්ය.
– ප්රේමලාල් විජේරත්න
